По објавата на МКД.мк

Заев тврди дека Јанева не го барала кога полицијата била во нејзиниот дом

Премиерот Зоран Заев тврди дека не добил телефонски повик, ниту се чул со специјалната обвинителка, Катица Јанева кога полицијата пристигнала во нејзиниот дом во Гевгелија за да врши претрес. Вчера редакцијата на МКД.мк објави дека специјалната обвинителка Јанева свртела неколку телефонски броеви кога надлежните пристигнале во нејзиниот дом, а премиерот Заев се огради од ова со тврдење дека тој не зборувал со неа, ниту го побарала.

„Можам да кажам за себе дека не сум се чул со Катица Јанева. Апсолутно не е точно она што беше напишано и тоа веројатно е седење на компјутер и правење идеја за да се направи добро примамлив текст кој вчера го прочитав и јас. Можете и сами да го утврдите во постапката и може да ја прашате и Катица Јанева и поранешните дипломати. Сами видовте дека на крајот и ОЈО рече дека во нејзиниот дом е отидено и е одземен само мобилниот телефон за да се види дали комуницирала со некого и дали се работи за злоупотреба", одговори премиерот Заев на прашање за објавениот текст на МКД.мк.

Според нашите извори, додека се вршел претресот по домовите на обвинетите, Јанева успеала да се јави на поранешен дипломатски претставник во Македонија, учесник во пржинските преговори. Освен овој телефонски разговор, Јанева се слушнала и со висок претставник на македонските власти. Присутни на овој случај тврдат дека Јанева се заканила дека дел од снимките е депониран во странство.

По ова налогот бил заборавен, а официјалните информации потврдуваат дека мобилниот телефон на Катица Јанева е одземен.

Оваа администрација нема намера Скопје во догледна иднина да стане одржлив зелен град и тоа е јасно одразено во буџетот за 2020 година.

повеќе

Излегува дека само Македонците на овој свет се должни пред сè да се грижат за правата на сите други луѓе и на крајот да размислуваат (но само да размислуваат) за себе.

повеќе