По одлуката за пристапување кон уставните измени

Заев: Сакам да му се заблагодарам на секој пратеник за оваа историска одлука, и на храбрите пратеници од ВМРО-ДПМНЕ

Премиерот Зоран Заев вечерва на прес-конференција откако Собранието ја изгласа одлуката за пристапување кон уставните измени кажа изјави дека денеска е историски ден за Македонија.

Кажа дека Македонија ќе биде дел од европското семејство, а сонот за подобар живот ќе биде исполнет. 

„Сакам да се заблагодарам на секој пратеник за оваа историска одлука, и на храбрите пратеници од ВМРО-ДПМНЕ, кои ја ставија државата пред притисоците. Со вакви одлуки луѓето стануваат херои. Надмината е една пречка и тоа е патот кон стабилна иднина“, рече Заев 

Додаде и дека е надмината пречката и изградена е државотворната коалиција, за поубава иднина на земјата, како што вели.

„Штотуку започна патот, да направиме долгиот пат да е покус. Ни претстои работа за спроведување на Договорот од Преспа. Заедно ќе работиме на простувањето и помирувањето, тоа бара посветеност и одговорност. Мора да се посветиме на неопходните реформи, правото и правната држава се наша цел. Денеска им дадовме нов, свеж старт на промените", кажа премиерот.

Заев одговарајќи на новинарски прашања, рече и дека преку институциите на Собранието и формирање на собраниски тела и групи ќе настојува до дојде до национално помирување. Не е точно тврдењето на генералниот секретар на ВМРО-ДПМНЕ, Јанушев дека на пратеници од опозицијата им биле нудени пари, изјави премиерот. Најави дека ќе го гони раководството на ВМРО-ДПМНЕ на суд за инсинуациите и невистините, како што ги нарече.

Премиерот додаде дека сега ги очекува многу работа и дека пораката на помирување и простување охрабрила. 

На оние кои не ја поддржа предлог одлуката, преимиерот Заев, им порача дека не ја изгубил надежта дека ќе ја преиспитаат својата одлука.

 

За прв пат имаме постапки за амнестија кои не се водат по службена должност (ex officio), туку по приватна иницијатива на засегнатите странки (ex privata).

повеќе

Причината за загриженост не е дали ЕУ успева да создаде функционални и стабилни земји или не, туку тоа што ангажманот на ЕУ во регионот води кон губење на кредибилитетот на Унијата како меѓународен актер и кон неуспех на нејзината Заедничка надворешна и безбедносна политика.

повеќе

Зошто егзистирањето на Северна Македонија „во духот на Преспанскиот договор“ ќе значи фактичко постоење на една орвеловска држава?

повеќе