Истрагата продолжува

За случајот „Рекет“ исказ во ОЈО дадоа и градоначалниците Богоев и Петровска

Градоначалникот на Општина Карпош, Стефан Богоев и битолската градоначалничката, Наташа Петровска дале исказ во Јавното обвинителството за гонење на организиран криминал и корупција за случајот „Рекет" во кој осомничени се Бојан Јовановски-Боки 13 и Зоран Милевски-Кичеец. Од Обвинителството велат дека во врска со овој случај и натаму се преземаат мерки за кои јавноста ќе биде известена. 

„Во интерес на истрагата, Обвинителството не е во можност да сподели детали околу содржината на дадените изјави. Паралелно со прибирањето на вербални докази, Основното јавно обвинителство за гонење на организиран криминал и корупција во континуитет дава насоки и наредби за вршење и на други истражни дејствија", се вели во соопштението од Обвинителството.

Од Обвинителствотото велат дека вештачењата на прибраниот обемен материјал од извршените претреси е во тек, а се врши вештачење и на содржината на пронајдениот и одземен втор мобилен телефон на јавниот обвинител. 

Основното јавно обвинителство за гонење на организиран криминал и корупција на 15 јули го отвори случајот за рекетирање во кој првоосомничен е шоуменот Бојан Јовановски-Боки 13, а второосомничен бизнисменот Зоран Милески-Кичеец.

Првоосомничениот го искористил своето влијание кај јавен обвинител и зел 1,5 милиони евра од лице под истрага за да му ја олесни положбата. 

Второосомничениот овозможувал средби со лицето под истрага, кое во оваа истрага е сведок. При овие средби, обвинителката Вилма Рускоска рече дека биле побарани 8 милиони евра од сведокот за да се запре кривичната постапка против него. 

Граѓаните и општата јавност исто така се важен штит за укажувачите.

повеќе

Вчера оправдано доминираше веста дека „Макрон ќе поддржи преговори за Македонија и Албанија ако ЕК препорача во март“.

повеќе

Албанија мора отворено да каже, дека обидите на Софија за асимилација на Македонците во Албанија како Бугари не се добрососедство, туку отворен напад.

повеќе