ПУКАЊЕ ВО ЗАТВОРОТ ВО ИДРИЗОВО

Две вооружени и маскирани лица се обиделе да влезат во ќелиите на осуденичките

Две вооружени маскирани лица синојќа нешто по 21 часот пукале во воздух и се обиделе да влезат во женскиот дел во затворот во Идризово. Информацијата за МКД.мк ни ја потврди и директорот на затворот, Ќерим Махмути. Директорот демантира дека се работи за обид за бегство и вели дека состојбата во затворот е под контрола. По двете лица кои според полицијата побегнале во правец на селото Идризово, се трага. 

 

Двете лица, според пријавата на МВР се доближиле до женскиот оддел на затворот и почнале со предмети да фрлаат по прозорците. Осуденичките ги известиле чуварите кои веднаш интервенирале. Според МВР, двајцата останале глуви на наредбата од затворската полицијата да застанат и да се предадат, а чуварите во знак на предупредување испукале два куршуми во воздух.

„Точно е дека имаше пукање. Две лица од задната страна на затворот, преку нивите се обиделе да се доближат во женскиот дел на затворот. Но, чуварите веднаш интервенерале. Двете лица испукале еден куршум во воздух и никој не е повреден. По настанот двјцата побегнале. Не се работи за обид за бегство и состојбата овде во затворот е мирна“ , изјави директорот на Идризово Махмути.


Тој додава дека инцидентот е пријавен во МВР и истрагата ќе треба да покаже кој и зошто со оружје во раце се обидел да влезе во затворот и дали требало на некој осуденик или осуденичка да му се побегне во обид за бегство.

                                                                                                                       К.Д.

Македонската јавност е во исчекување од најавата на министерот Оливер Спасовски дека МВР ќе ги истражува сите агенции за обезбедување поради поврзаност со рекетарство.

повеќе

Сите овие промашувања на Груевски имаат едно заедничко - дирекно ја загрозија државноста на Република Македонија.

повеќе

Во САД и во многу европски земји, просечните плати стагнираат, и покрај тоа што многу од економиите закрепнаа од финансиската криза од 2008 година.

повеќе