Братот и сестрата се во добра здравствена состојба

Децата што беа заклучени во автомобил биле донесени кај лекарите валкани и уплашени

Во валкани алишта, уплашени и дехидрирани двете деца на возраст од 4 и 7 години од заклучениот автомобил биле донесени на Клиниката за детски болести во Скопје. Лекарката која ги примила и ги прегледала малолетните брат и сестра во изјава за медиумите посочи дека децата се во добра здравствена состојба и дека се планира тие денес да бидат пуштени дома.

„Во 23 часот во придружба на возило на Итна медицинска помош и полицајци, донесени се две деца, машко 4 и женско 7. Беа уплашени, лесно дехидрирани и со стабилни параметри. Лабораториските анализи се со уредни вредности и децата се во добра општа состојба. Денес се планира нивно пуштање", изјави лекарката.

Таа дополни дека децата биле донесени во валкани алишта, но детали околу тоа што претходно се случувало не можеше да каже. По приемот во болница веднаш пристигнала и мајката која и цела ноќ, а и денес била покрај децата.

„Не знаеме колку време биле во автомобил. Кога беа донесени овде беа лесно дехидрирани. Траги на насилство нема на телото на децата", дополни лекарката од Клиниката за детски болести.

Според неа основна причина за фатален исход при затварање на деца во автомобил е претопленост , односно поголем престој во затворен простор на висока температура.

Двете дечиња вчера беа најдени во автомобил заклучени, а случајот во МВР го пријавија минувачи. По пријавата беа најдени и родителите на децата, а за случајот е известен и јавен обвинител . 

Истрагата ќе треба да утврди зошто децата биле оставени сами и заклучени во автомобилот. 

Минатата недела, Сирија повторно беше на врвот на меѓународните вести. Земјата, која долги години е вклучена во борбата против екстремистичките групи, повторно се соочи со нов бран на агресија и воена акција. Во средата, на 9 октомври, турската армија, заедно со сириските антивладини бунтовници, го започна маршот кон североисточните делови на оваа земја што предизвика жестоки борби.

повеќе

Добар изборен систем треба да биде репрезентативен, но и да овозможува ефикасно владеење.

повеќе

Луѓето можете и ги задржите во сопствената земја - ако им е добро.

повеќе