Собрание

Утре собраниската Комисија за европски прашања ќе расправа за Законот за јазиците

Собраниската Комисија за европски прашања утре во 11 часот ќе одржи седница на која ќе се расправа за предлог Законот за употреба на јазиците.

Законот за јазици, со кој се официјализира албанскиот јазик на целата територија и на сите нивоа, од понеделник влегува во втората финална фаза за негово донесување. Претседателот на комисијата Артан Груби за утре ја закажа седницата за амандманска расправа по законот.

На 20 ноември еврокомесарот Јоханес Хан во Скопје изјави дека овој закон не е приоритет за европската агенда на Македонија.„Законот за јазиците не е дел од она што е договорено во контекст на условите што се релевантни за добивање позитивна препорака. Сега е важно да се работи на она што треба итно да се сработи, а ако може и законот за јазиците, во ред. Приоритетите се дефинираат според националните интереси“, рече Хан на заедничката прес конференција со премиерот Зоран Заев.

Груби очекува расправата да заврши до 13 декември.

„Се исполнија условите, почна усвојувањето на приоритетните закони, изборот на јавниот обивнител е на пленарна седница. Очекувам амандманската расправа да трае три дена и на 13 декември да заврши, а потоа и на пленарна седница. Со ова ќе се заокружи примената на Охридскиот рамковен договор“, изјави неодамна Груби.

Законот за јазици уште во август влезе во собраниска процедура на предлог на Владата како дел од законите за евроинтеграција на Македонија, со европско знаменце.

За ВМРО-ДПМНЕ овој предлог закон е противуставен, се воведува двојазичност, а злоупотребено е и европското знаменце. Досега се поднесени 84 амандмани со кои главно се брише двојазичноста, а се унапредува примената на сите јазици на немнозинските етнички заедници. Четири амандмани се поднесени и од СДСМ.  

Се очекува утре пратениците на ВМРО-ДПМНЕ да не учествуваат на амандманската расправа.

Во ДУИ очекуваат законот да пројде без никакви измени во текстот.

Политичките раководства во Република Македонија мора да сфатат дека немаат комодитет да ги занемаруваат економските политики на сметка на политичките агенди.

повеќе

Четирите предложени амандмани треба да им го оневозможат луксузот што го имаа сите досегашни влади, на сите идни влади - спорот за името да им биде изговор за несовесно работење, корупција и системски пропусти.

повеќе

Планот за чист воздух од само 1,5 милиони евра издвоени од буџетот и за граѓаните и за еколошките активисти е несериозен.

повеќе