Трагедија во Велес

Трите деца што изгореа во пожар биле оставени сами и заклучени во куќата

Трите дечиња што вечерва изгореа во куќа во Велес биле оставени сами и заклучени. Од СВР Велес за МКД.мк потврдија дека жртви во вечерашниот пожар се две девојчиња и момче што биле на возраст од една, две и четири години. Од таму додаваат дека по увидот ќе се утврдува од што настанал пожарот. 

Според информацијата од СВР Велес, пожарот бил пријавен по 16 часот.

На местото на пожарот веднаш излегле противпожарната единица, екипа на СВР Велес и лекарска екипа на Брза помош.

„Кога стигнала помошта, децата, кои биле сами во куќата, веќе биле изгорени и за жал немало можност да бидат спасени. Кога избувнал пожарот, децата биле сами и заклучени во куќата. Нивните родители ги заклучиле дома и излегле да пазаруваат во продавница“, ни изјави Верољуб Додевски, портпарол на СВР Велес.

Надлежен јавен обвинител од Основното јавно обвинителство Велес го заврши увидот на местото каде што попладнево избувна пожар. Во пожарот три деца на возраст од четири, две и една година го загубија животот. Според првичните сознанија на јавниот обвинител, родителите ги заклучиле децата и заминале во продавница. За тоа време, од засега непознати причини, избувнал пожар и за кратко време ја зафатил куќата.

„При вршење на увидот, јавниот обвинител издаде наредби за обдукција на телата на починатите деца и вршење на идентификација. Ќе се врши проверка на трагите земени од самото место за да се утврдат причините за настанување на пожарот.

Надлежниот јавен обвинител од Основното јавно обвинителство Велес презема дејствија за расчистување на околностите на настанот и за утврдување евентуална кривична одговорност“, соопштуваат од обвинителството. 

Кога може оние кои пукаа по нас, оние кои ги убија Аце, Коки и Оливер да бидат на слобода, зошто не би бил помилуван и ти?

повеќе

Го регистрираме името Јунајтед Маседонианс и тогаја сетне почнаме да прајме отворени Илинденцки пикници – македонцки илинденцки, не со Богарите. Сами ние Македонци и народо трна.

повеќе

Она она што го нудат медиумите во времето на ковид-19 покажа колку тие не се подготвени за да известуваат во време на криза, а кризите ги има сè почесто.

повеќе