Здружение на судии: Судскиот совет и Антикорупциска се надлежни за проверка на работата на судиите

Управниот одбор на Здружението на судии ги поддржува активностите на Државната комисија за спречување на корупција и Судскиот совет на РСМ, и смета дека проверката на работата на судиите и нивното однесување е континуирана работа во надлежност на овие две институции.

„Расправајќи за актуелната состојба на правосудниот систем со акцент на јавните повици за ветинг, прочистување односно проверка на работата на судиите, Управниот одбор на Здружението на судиите откако дебатираше за поимот ‘ветинг‘ и неговата условеност со поголеми општествено политички промени и други општествени аномалии (како замена за зборовите: постоење на висок степен на корупција), целите и резултатите кои треба да се постигнат, заклучи дека нашиот правосуден систем не е во состојба која импонира потреба од една таква широка проверка на работата на судиите, надвор од постојните институции утврдени со актуелната законска регулатива“, соопшти денеска Управниот одбор на Здружението на судии по расправата за актуелната состојба во правосудниот систем.

Управниот одбор, како што стои во соопштението, ги охрабрува судиите да покажат професионалност и интегритет во нивното постапување и соодветно поставување кон новонастанатите состојби и апелира на воздржаност и негенерализирање при изнесувањето на јавните квалификации за состојбата во правосудниот систем.

„Управниот одбор донесе заклучок да се иницира унификација на ставовите со Врховен суд и Судскиот совет на Република Северна Македонија“, во однос на ова прашање, се наведува во соопштението.

Кога кризата со коронавирусот ќе заврши, светот повеќе нема да биде ист, концептот на неолиберализмот ќе биде редизајниран.

повеќе

Благодарејќи на коронавирусот, граѓаните го видоа вистинското лице на  оваа натприродна организација, наречена државна администрација. Алчна, себична, несолидарна, нечувствителна.

повеќе

Солидарноста е единствениот начин за надминување на оваа криза.

повеќе