Сведчење за „Ласкарци“: Автобусите на „Дурмо турс“ често се расипуваа

Повеќе од година и половина се возам со „Дурмо турс“ и често автобусите се расипуваа, вратите не се затвораа, немаше клима и слично, изјави вториот од повредените патници, сослушан како сведок на денешното судење за автобуската несреќа кај Ласкарци.

Сведокот Бетим Амети, рече дека на критичниот ден седел на четвртиот или петтиот ред позади возачот.

„Година и пол се возам со Дурмо турс и до патарината не приметив ништо чудно во возењето. Бев буден, и зошто бев до прозорецот станав да видам што се случува, но веќе автобусот ги проби заштитните огради и излета од патот. Ми изгледаше како да сака да претекне, но нагло свртевме во лево. Често се возев со Дурмо турс и брзината вообичаено ми изгледаше дека е над дозволената, зошто често претекнувавме, но не знам точно на критичниот ден“, рече сведокот.

Рече дека не приметил никакво кочење на автобусот или нешто да прави возачот за да го врати автобусот на патот.

„Осетив дека се вртиме и со главата удрив во плафон. Откако паѓа автобусот јас паѓам во неавест. Знам дека ногата ми беше заглавена од багаж и ми помогнаа другите патници да излезам“, изјави сведокот.

Сведокот Амети, рече дека го видел возачот веднаш по несреќата како седи во нивата во близина, во паника и како плаче.

„Имам негативно искуство со Дурмо турс. Често автобусите се расипуваа. Вратите не се затвораа, немаше клима и слично. Сообраќајка, само еднаш кај Сити мол со истиот возач кога удри во автомобил“, изјави сведокот.

Случајот го води судијката Диана Груевска Илиевска, а застапник на обвинението е јавниот обвинител Дарко Јакимовски.

За автобуската несреќа што се случи на 13 февруари годинава кај селото Ласкарци, во која загинаа 16 лица, а 37 беа потешко повредени обвинети се шест лица.

Сопственикот на „Дурмо турс“, Дурмиш Белули, одговорниот за транспорт во формата Ремзи Мифтари и возачот на автобусот Маноел Трифуновски се товарат за сторени тешки дела против безбедноста на луѓето и имотот во сообраќајот, додека тројцата вработени во станицата за технички преглед Игор Ѓорѓиевски, Горан Дуковски и Јане Боварски за соучество во истото дело. 

Да се стави точка на великобугарскиот шовинизам е насловот позајмен од едно писмо напишано во јули 1946 година од Илинденската организација до Владата на слободна Македонија.

повеќе

Бидејќи знаеме да се перчиме со секој што потекнал од нашиве простори, дури и до илјадито колено наназад (од Аминта III до Симона Халеп), јас ќе ја искористам приликава за да се погордеам со македонските гени на еден извонреден музичар: Васил Хаџиманов.

повеќе

Коста Абрашевиќ, Гоце Делчев... и десетици илјади современици кои потпишале дека „по род се...", за да можат да патуваат и да работат во ЕУ државите.

повеќе