Како сведок во Обвинителството за организиран криминал

Стефанова 5 часа даваше исказ за „Рекет“, не кажа детали за сведочењето

Специјалната обвинителка Лиле Стефанова, денеска пет часа сведочеше во Обвинителството за организиран криминал, како сведок во случајот „Рекет“ откако нејзиното име беше споменато во аудио снимките што ги објави италијанскиот весник „Ла верита“.

Откако даде исказ во Обвинителството, Стефанова пред новинарите кусо изјави дека дошла во својство на сведок и дека не може да сподели информации со јавноста, имајќи го предвид нејзиниот статус на сведок.  

„Сосема сум свесна за големиот интерес за истрагата „Рекет“ и сите допирни точки на истрагата за „Рекет“ со истрагата за „Империја“. Сѐ што можев да споделам со јавноста јас споделив во даденото соопштение во петокот.

Денес дојдов овде како сведок. Од 9 часот па до сега, отприлика пет часа. Дадов исказ како сведок и сѐ што ми е познато за овој случај го изнесов пред надлежниот јавен обвинител.

Имајќи го предвид мојот статус на сведок и тајноста на истрагата не можам да дадам ниту една друга изјава освен она што веќе сум го кажала“, рече Стефанова пред медиумите.

Во Обвинителството се најавува дека ќе биде повикана и специјалната авна обвинителка Катица Јанева, нои засега нема потврда за терминот на нејзиното сведочење. 

Античкиот грчки филозоф Хераклитус, кој живеел пред Сократ, Платон и Аристотел, е авторот на често користената поговорка „панта реи“ (Panta rei), односно, во превод, поедноставено: ,„сѐ тече, сѐ се менува, ништо не останува исто, нема апсолутна вистина и единствена реалност е повеќегодишно движење“.

повеќе

Интеграциите и буџетски субвенционираната економија и социјала се проектираните теми на кампањата на власта за претстојните избори.

повеќе

Третманот и плаќањето на работникот од кого зависи целиот производствен систем, треба да биде на прво место кај државата и работодавачот. 

повеќе