Протест од „Скендербег“ до Судот

Со транспарент „Сме и секогаш ќе бидеме заедно УЧК“ се бараше правда за осудените од „Диво Насеље“ (ФОТО)

Со транспаренти испишани на албански јазик „Да запрат испитувањата со двојни стандарди", „Сме и секогаш ќе бидеме заедно УЧК", „Стоп за селективната правда",„Слобода за Арсим Бајрами" група демонстранти побараа, како што велат, правично судење на лицата инволвирани во случајот, а до судиите испратија порака да ги имаат предвид доказите кои во досегашните постапки биле отфрлени. На протестот се носеа и албански знамиња и карта на Голема Албанија. 

Денес се навршуваат четири години од настаните во кумановското Диво Насеље и незавршениот судски процес за овој настан. Демонстрантите тргнаа од од плоштадот „Скендербег" во Скопје и се упатија пред зградата на Основниот суд Скопје 1.

Протестот се одржа под мотото „Против двојни стандарди и против дискриминација и сегрегација на Албанците". 

Освен фотографии од осудените од Диво Насење, меѓу транспарентите имаше и фотографија со ликот на малиот Алмир кој почина откако беше прегазен со автомобил. Правда се бараше и за овој случај. 

На обвинетите за тероризам и терористичка организација првостепениот суд им изрече посебни затворски казни за двете кривични дела, по што, согласно со Законот за кривична постапка, судот им утврди единствени казни затвор.

ФОТО: Роберт Атанасовски 

 

Сѐ додека Македонија ја претставуваат „политички најподобните" ќе тонеме длабоко и уште повеќе ќе се раслојуваме.

повеќе

По определувањето на мерката ефективен притвор, притворениот раководен функционер не може да издава полноважни правни акти, меѓу другото, и поради фактот што го нема службениот печат.

повеќе

Вината за недобивањето на датум за преговори треба да ја барате во вас и вашите соработници и коалициски партнери.

повеќе