СЈО до петок ја очекува правосилната пресуда за „Тенк“

Се надевам дека за 20 дена ќе го видиме Груевски зад решетки, рече Јанева

Обвинителката на СЈО Катица Јанева во гостувањето на Канал 5 рече дека се надева оти поранешниот премиер Никола Груевски, кој е правосилно осуден на затвор од 2 години, наскоро ќе го види зад решетки. Според досегашното работно искуство во судот во Гевгелија и текот на роковите по донесување на правосилна одлука, Јанева рече дека очекува до петок да ја добијат одлуката од Апелацискиот суд во Скопје, а потоа откако и Груевски ќе ја добие одлуката, ќе може да отиде во затвор.

„Се надевам дека Груевски наскоро ќе го видиме зад решетки. Тоа, според она што јас го имам како искуство би можело да биде за 20-тина дена. До петок очекуваме пресудата од Апелацискиот суд во Скопје да биде испратена во писмена форма и до СЈО, а по ова и Груевски да ја добие одлуката и да може да замине во затвор“, рече Јанева. 

Поранешниот премиер Никола Груевски е осуден на затвор од 2 години за набавката на луксузниот мерцедес. Пресудата му ја изрече Основниот суд во Скопје, а пред неколку дена му беше потврдена и од Апелацисикиот суд во Скопје. По одлуката на второстепениот суд пресудата е правосилна. 

Груевски по добивањето на одлуката во писмена форма, како и по добивањето на упатниот акт, ќе треба да се јави во затвор за издржување затворска казна.

Без оглед на фактот што од постоењето на уметноста постои и теорија и приказна за тоа, уметничкиот процес останува крајно неразбирлив.

повеќе

Што е потребно младите велешки занаетчии да не станат самоубиствени гемиџии, туку да ги тераат своите замисли напред.

повеќе

Брзата храна и газираните пијалоци се водечки причинители на прекумерна телесна тежина, која пак значително го намалува нашиот животен век и квалитет на живот.

повеќе