Во воведниот говор за „Рекет“

Русковска: Да не мислите дека Камчеви барале помош, тие преку Кичеец се поврзале со Јовановски

Во воведниот говор пред судот обвинителката Вилма Русковска не изостави да го спомене и брачниот пар Јордан и Ана Камчеви, за кои посочи дека можеби јавноста има впечаток дека тие побарале помош, но тоа не било така бидејќи тие двајца преку обвинетиот Кичеец се поврзале со Јовановски.

Русковска појасни дека во овој предмет не станува збор за тоа дали Камчеви се виновни или не, туку дека предметот се занимава со тоа што некој барал пари од нив за да не бидат виновни.

Во оваа постапка Русковска рече дека ќе има сведочења што нема никого да остават рамнодушни и дополни дека можеби Кичеец ќе каже дека она што го направил за Камчев било „бидејќи му бил како брат“, но праша како тој не заборавил да ја земе торбата полна со пари.

„И ако е за брат, многу е“, нагласи Русковска.

Според неа, жртви тука не се оние од кои се барани или од кои се земани пари, туку „жртви на оваа постапка сме сите ние, граѓаните на оваа држава“.

Пред воведниот говор на денешното рочиште за „Рекет“ обвинителката Русковска појасни дека Орце Камчев не може да биде оштетен за оваа постапка, бидејќи за кривичното дело противзаконито постапување нема оштетен, туку има само сведок.

К.Д.

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе