Случај „Монструм“

Родителите на убиените момчиња бараат Дескоска да им одговори за екстрадицијата на Демири и Исмаиловиќ

Обвинителката Фатиме Фетаи на денешното рочиште за случајот „Монструм" пред судот рече дека ќе мора Министерството за правда да побара детален одговор околу екстрадицијата на Алил Демири и Африм Исмаиловиќ. Ваквата реакција на обвинителката следи откако во судот долг период известувањето од Министерството за правда е исто, односно дека нема нови информации за екстрадицијата на Демири и Исмаиловиќ.

Судењето продолжи со читање на транскрипти од разговори и СМС пораки во кои се опфатени разговори меѓу непознати лица со лицата Арменд и Фада, во кои тие прашуваат дали знаат нешто за убиството во близина на обиколницата кај Сингелиќ. 

Во транскриптите што ги читаше судијата Осман Шабани се слушна дека повеќето од лицата што беа прашани не слушнале за убиството.

Пред почетокот на судењето обвинителката Фатиме Фатаи побара одговор од министерката за правда Рената Десковска дали воопшто е побарана екстрадиција за обвинетите Алил Демри Африм Исмаиловиќ, бидејќи, како што рече, цела година судот добива едно исто известување дека постапката е во тек.

Адвокатот на одбраната Насер Рауфи рече дека барањето веќе еднаш е одбиено за екстрадиција и дека нема потреба да се бара повторно.

Адвокатката на оштетените пак инфомира дека неколку пати доставиле барање за да бидат известени за екстрадицијата, како и за закажување на седница на Владата со точка на дневен ред за екстрадицијата на двајцата осомничени, но дека до сега не добиле конкретен одговор без да се наведе што е превземено.

Родителите на убиените момчиња побараа средба со министерката за правда и таа да се оствари до одржување на следното рочиште.

Судскиот процес, познат како „Монструм", го води судијата Огнен Ставрев, а застапнци на обвинението се Фатиме Фетаи и Гаврил Бубевски.

За петкратното убиство на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, во претходна постапка за случајот на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута.

Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири и им определи мерки на претпазливост. По укинувањето на пресудите, случајот „Монструм" го презеде СЈО и предметот беше вратен на повторно судење.

Секој може да биде менаџер во „добри денови", но најчесто менаџерската работа не е за „добрите денови" туку постојан баланс помеѓу проблемите и можностите за оптимизирано управување на компанијата.

повеќе

Нека се соберат во Дојран, нека се договорат и нека нѐ известат. Сите други пак нека се спремаат за вистински избори во постпандемискиот период.

повеќе

Дали е аксиом дека со членството во НАТО е гарантирана безбедноста на Македонија? Дали почеток на преговори значи и отворен пат за членство во ЕУ?

повеќе