Транскрипти од разговори и смс пораки на судењето

Разговор на рускиот амбасадор Шчербак меѓу доказите во случајот „Монструм“

На денешното рочиште за случајот „Монструм“ дел од доказите беа и смс пораки и транскрипти од нелегално прислушуваните разговори. Во овие разговори има и и разговор во кој еден од учесниците е поранешниот руски амбасадор во земјава, Олег Шчербак. 

Но, и овој разговор е само разменување на информации во кој соговорникот на амбасадорот му кажува за тоа што е познато за убиството, но нагласува дека нема официјални информации од надлежните.

Кажува оти од жртвите четворица се убиени, а петатта – рибарот, веројатно е убиена зошто била сведок.

"Владата и МВР задоцнија со информации", му вели соговорникот на амбасадорот, посочувајќи дека власта ги релативизира информациите за ситуацијата да не ескалира.

Соговорникот кажува и дека има протести, се шират разни шпекулации меѓу населението, дека ситуацијата не е излезена од контрола, но оти е лоша. Има шпекулации, вели соговорникот, дека ова е одмазда за убиство во Тетово каде Македонец уби двајца Албанци.

И на минатото рочиште во една од „бомбите“ поранешниот министер за транспорт и врски, Миле Јанакиески вели дека рибарот е убиен бидејќи бил сведок. 

За петкратното убиство на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, во претходна постапка за случајот на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута.

Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири и им определи мерки на претпазливост. Другите двајца обвинети се во бегство во Косово од каде до сега никако да ги екстрадира. По укинувањето на пресудите, случајот „Монструм" го презеде СЈО и предметот беше вратен на повторно судење.

Кога може оние кои пукаа по нас, оние кои ги убија Аце, Коки и Оливер да бидат на слобода, зошто не би бил помилуван и ти?

повеќе

Го регистрираме името Јунајтед Маседонианс и тогаја сетне почнаме да прајме отворени Илинденцки пикници – македонцки илинденцки, не со Богарите. Сами ние Македонци и народо трна.

повеќе

Она она што го нудат медиумите во времето на ковид-19 покажа колку тие не се подготвени за да известуваат во време на криза, а кризите ги има сè почесто.

повеќе