Рaшковски поднесе 5 кривични пријави против обвинителките Русковска и Трајчева

Правниот тим на Драган Рашковски, поранешниот генерален секретар на Владата, денеска информираше дека тој поднел 5 кривични пријави против две обвинителки. Рашковски во саботата преку јавно обраќање се обрати до обвинителките Ивана Трајчева и Вилма Русковска.

Рашковски и Даниел Станчев, директорот на фирмата „Инвока груп“ тврдат дека судијката  била свесно донесена во заблуда од страна на обвинителките, бидејќи не ѝ доставиле целосни докази, а прикажале и лажни искази.

„На 15 април 2021 година како основен јавен обвинител во Основното јавно обвинителство за гонење на организиран криминал и корупција првопријавената поднела предлог за определување на мерка притвор против Драги Рашковски и Даниел Станчев, како и предлог за определување мерки за претпазливост кон Ивица Димитровски и Игор Христов. Притоа, првопријавената кон судот доставила само дел од материјалите кои како материјален доказ ги има прибрано во предистражната постапка. Дел од нив ги доставила во нецелосен облик како што се прибавени, а поголем дел од нив воопшто и не ги доставила кон таквиот предлог. Првопријавената заедно со второпријавената како нејзина претпоставена, но и како јавен обвинител кој ја водел предистражната постапка и до неа биле доставувани материјалните докази, ги скриле и не ги доставиле до судија на претходна постапка сите прибрани материјални докази“, велат бранителите на Рашковски.

 

Од одбраната на Рашковски тврдат дека материјалните докази кои не биле доставени утврдуваат сосема поинаква фактичка состојба, а на судијката на претходна постапка ѝ биле прикажани, како што велат, лажни и нецелосни докази со цел да го доведат во заблуда и од неа да предизвикаат да доносе решение како во диспозитивот.

 

„Двете пријавени дејствувале координирано и заеднички при што свесно направиле селекција на материјалите, свесно сугерирале допишување во доказниот материјал кои не се утврдени со никаква законска постапка. Двете пријавени свесно и злонамерно ја искористиле својата службена положба и овластување и таквите селектирани информации ги изнесувале во јавноста со цел да создадат лажна перцепција во јавноста со лажно обвинување за сторено кривично дело. Првопријавената во соработка со второпријавената иако сами ги побарале доставените документации, не ги приложиле кон Пописот на списите кој го доставиле до судијата на претходна постапка, а наместо тоа доставиле материјали кои се прибавени со истите барања, но се без никаква важност во одлучувачкиот процес.

Со опишаните дејствија, првопријавената сторила повеќе кривични дела и тоа: „Противправно лишување од слобода“ од член 140 став 5 в.в став 1 од КЗ на РСМ, кривично дело „Злоупотреба на службената положба и овластување“ од член 353 став 3 в.в став 1 од КЗ на РСМ, кривично дело „Несовесно работење во службата“ од член 353-в став 3 в.в став 1 од КЗ на РСМ, кривично дело „Поднесување лажни докази“ од член 366-а став 2 в.в став 1 од КЗ на РСМ, кривично дело „Спречување на докажување“ од член 368 став 1 од КЗ на РСМ“, велат од одбраната на Рашковски.

Македонија нема рециклирачки капацитет за пластичната амбалажа, а со увозот на ѓубре како гориво во индустријата, станува и неофицијална депонија на ЕУ.

повеќе

Влијанието на корупцијата врз економијата е значајно. Корупцијата може да доведе до неефикасност и погрешна распределба на ресурсите, да ги обесхрабри странските инвестиции и да ја поткопа конкурентноста на фирмите.

повеќе

Почнавме со спротивставени мислења околу Законот за работни односи, со кој недела се прогласува за неработен ден. Завршивме на Уставен суд.

повеќе