Продолжува судењето за случајот „Софтвери“

Во Основниот кривичен суд Скопје денеска продолжи судењето за случајот „Софтвери" во кое поранешниот генерален секретар на Владата, Драги Рашковски, заедно со уште шестмина други се товари за нелегална набавка на два софтвери. На судското рочиште денеска сведочеа директорот и вработен во „Дигитал Медиа лаб".

 

Сведокот Александар Пејчиновски, директор на „Дигитал Медиа лаб", рече дека софтверот го набавил од факултетот ФИНКИ, а хардверската опрема од ГВЦ системи.

Прашан кој ја креираше понудата за оваа јавна набавка, тој одговори дека не може да даде одговор.

„За тоа не можам да ви дадам одговор бидејќи не го водев тој случај, тој дел го водеше колешката Дуца Зврлевска“, рече тој.

Сведокот Костадин Ѓурчилов, вработен во „Дигитал Медиа лаб", кажа дека со Владата имале уште една соработка.

„Со Владата имавме уште една соработка, кога учествувавме на тендер за изработка на Систем за биометриска идентификација“, рече тој.

На подробни прашања од одбраната во врска со презентациите на софтверот, Ѓурчилов рече дека тоа во нивното работење било 0,2 отсто.

„Процентуално ова во нашето работење е 0,2 посто, така што не сум имал внимание во тоа како се одвивало. Не сум посветил толкаво внимание на деталите“, рече тој.

Двајцата сведоци одговарајќи на прашања од обвинителството и одбраната зборуваа за процесот на склучување на договорите за реализацијата на обврските за набавка на софтверот.

На денешното рочиште, сведочеше и сведокот Мухамед Халин, полицаец вработен како инспектор во Министерството за внатрешни работи. Тој сведочеше за уплатите кои што ги вршел како обезбедување на обвинетиот Драги Рашковски.

„Уплаќав најчесто за школарина за господинот Драги Рашковски и неговите деца“, рече тој.

На прашање од обвинетиот Рашковски, дали некој од присутните му има дадено средства кои што тој требало да му ги даде на обвинетиот, тој рече дека во ниту еден момент се нема случено некој од присутните да му даде средства за тој да заврши услуга за обвинетиот.

Одбраната на Рашковски претходно на денешното рочиште продолжи со изведување на докази во кои ја образложи комуникацијта меѓу обвинетите која се однесува на набавката на софтверот.

На денешното рочиште, исто така, Народниот правобранител побара имотно побарување од обвинетите во износ од 1,4 милион денари.

Судскиот процес за случајот „Софтвери" се наоѓа во доказна постапка и го води судијката Фанка Јанчулева Михаиловска, застапник на обвинението е Ивана Трајчевска.

Според обвинителниот акт, Рашковски е обвинет за кривичните дела „ Злоупотреба на службена положба и овластување" и „Перење пари и други приноси од казниво дело". Останатите петмина се обвинети за „Злоупотреба на службена положба и овластување" од Кривичниот Законик.

 

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе