Пристап до прислушуваните броеви имаа Мијалков, Грујевски и Николиќ…, тврди сведок во „Таргет-Тврдина”

Звонко Костовски никогаш не ми даваше налог на ливче или усно, да маркирам некој број. Од Надица Николиќ добивав наредба да им доделам на репродуцерите, кој од нив кој број да го слуша, истакна сведокот Марјан Јанкуловски, поранешен вработен во УБК, на денешното судење за предметот „Таргет-Тврдина” за незаконското следење на комуникациите.

На прашање на обвинителот Трајче Пеливанов, како што објави МИА, Јанкуловски рече дека пристап до фолдерите каде биле маркираните броеви имале Сашо Мијалков, Горан Грујевски, Надица Николиќ… тие преку таа привилегија имале можност да ги видат броевите, да ги прислушуваат разговорите и да ги читаат СМС пораките. 

Сведокот ги „режел” ЦД-ата со снимените разговори од кои дел биле со судски наредби, а дел без. Дисковите со разговори за кои немало судска наредба и ги предавал дисковите на Надица Николиќ, а само еднаш имал барање од Горан Грујевски да му сними цедиња со разговори од Зоран Заев.

Според обвинителниот акт, преку три системи за следење на комуникациите во УБК, во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби.

Комуникацијата била следена пред да бидат издадени и по завршување на траењето на важноста на судските наредби на 1.541 број или вкупно 5.827 телефонски броеви. Прислушувани биле над 20 илјади граѓани.

Германската канцеларка Ангела Меркел, меѓу другите, беше гневна; Балканот помодре од бес. ЕУ сега се обидува да го натера Макрон да го тргне ветото пред Европскиот самит во март.

повеќе

Мојата заложба е конечно законите и прописите наместо инструмент за спроведување лични интереси, да ја добијат вистинската функција, заштита на интересите на граѓаните. За жал...

повеќе