Собрание

Пратениците на 11 декември ќе решаваат дали обвинителот Јовески ќе биде овластен потписник за СЈО

Предложените измени во Законот за јавнообвинителската служба, со кои ингеренциите врз Специјалното јавно обвинителство ќе ги има државниот јавен обвинител, Љубомир Јовески, во Собранието ќе се разгледуваат на 11 декември, среда.

Со овие измени се предвидува Јовески да може да ги потпишува налозите за сите трошоци на СЈО, за неисплатените плати на вработените, а ќе има и надлежност врз истражителите во оваа институција.

„За сите прашања кои се однесуваат на работниот однос на јавнообвинителските сужбеници и лицата вработени во Јавното обвинителство за гонење на кривични дела поврзани и кои произлегуваат од содржината на неовластено следење на комуникациите кои вршат технички и помошни работи одлучува Јавниот обвинител за гонење на кривични дела поврзани и кои произлегуваат од содржината на неовластено следење на комуникациите или Јавниот обвинител на Република Северна Македонија доколку нема избрано Јавен обвинител за гонење на кривични дела поврзани и кои произлегуваат од содржината на неовластено следење на комуникациите“, стои во предлог-законот.

Измените не предвидуваат дали државниот јавен обвинител ќе има ингеренции и за документацијата во СЈО. Неодамна ревизорите кои влегле во СЈО за проверка на исплатата на бонусите и додатоците за доверливост не можеле да земат документи без овластен потписник на институцијата.

Вработените во СЈО веќе три месеци не земале плата, од пред два дена службените мобилни им се исклучени поради неплатени сметки, не се платени сметките за струја, парно, вода...

На 14 септември специјалната обвинителка Катица Јанева, обвинета во „Рекет“, беше разрешена, а од 15 септември обвинителите преминаа во Основното јавно обвинителство.

Излегува дека само Македонците на овој свет се должни пред сè да се грижат за правата на сите други луѓе и на крајот да размислуваат (но само да размислуваат) за себе.

повеќе

Интернационалистички, универзалистички и солидарен пристап е единствениот начин да се надмине еколошката и климатска криза, во регионот и пошироко.

повеќе

Мора да се пристапи кон воведување нови мерки за поголема контрола на лицата кои поседуваат нелегални пари.

повеќе