На судењето за 27 април

По Бришковска и Василевски, уште колку ќе ми натоварите денес, се бранеше Вељаноски од прашањата на обвинетиот Нинџа

По обвинетиот Никола Митревски Кољо, прашања за поранешниот собраниски спикер имаше и обвинетиот Александар Василевски Нинџа. Откако обвинетиот Нинџа му посочи на Вељаноски дека долги години бил адвокат и политичар, го праша дали ќе се согласи со него дека на 27 април бидејчи бил претседавач требало да застане во одбрана на пратениците.

На ова Вељаноски појасни дека фактот што споменал дека бил долгогодишен адвокат го кажал за да им предочи на останантите дека разбира оти е под заклетва и дека тој како сведок мора да ја зборува вистината, но дека обвинетите можат да зборуваат што сакаат во своја одбрана и не се должни да ја кажуваат вистината. За останатото Вељаноски му одговори на обвинетиот Нинџа дека обезбедувањето се грижело на 27 април за него и за тоа каде тој требало да се движи. 

На ова обвинетиот Нинџа возврати: „ Тогаш штом обвинетите може да зборуваат што сакаат, ќе ве прашам нешто, односно дали на 27 април во 18 часот ја известувавте тогашната заменичка министерка за правда, Биљана Бришковска за состојбата?“.

Ова прашање по даден приговор од одбраната не беше дозволено. 

Следното прашање на кое Нинџа побара одговор од Вељаноски за тоа дали лично тој му дал насока на Сашо Василевски да ја отвори вратата. 

Вељаноски рече дека немало да каже дека е лага, туку ќе кажел дека не е вистина. 

Обвинетиот Нинџа го споменувајќи го авторитетот на Вељаноски му рече: „Како пратеник со вашиот авторитет, нели кога имало кошкање и инциденти требаше да застанете и да делувате да се смири состојбата?“

Сведокот Вељаноски одговори дека имало припадници на единицата „Тигри“ или како и да се викале и дека имало шок бомби и обезбедување и дека сакале да го евакуираат и него. 

„По Бришковска, и Василевски, и не знам уште колку ќе ми натоварите дека сум ги контактирал тој ден до крајот на судењето? И ве молам да престанете со лицитирање на имиња овде.  

К.Д.

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе