По распишаната потерница

Панчевски сам се пријавил и веќе е во Шутка

Поранешниот претседател на Кривичен суд, Владимир Панчевски веќе е во притвор во Шутка.

Според неофицијалните информации од МВР, Панчевски денеска околу 12.30 часот сам се пријавил, откако вчера беше распишана национална потерница по него.

Полицијата во неколку наврати не успеа да го пронајде на наведената адреса.

Панчевски од денска напладне се наоѓа во Истражниот затвор во Шутка, потврди директорот на затворот Есад Рахиќ.

„Панчевски денеска во 12 часот напладне самиот се пријавил во затворот. При приемот бил прегледан му била измерена температура, и откако е утврдено дека нема никакви симптоми на Ковид-19 е примен во притворското одделение“, вели Рахиќ. 

Скопската полиција претходно во три наврати не успеа да го пронајде обвинетиот на неговата адреса, кому му беше одреден притор од Судот во Велес.

Панчевски е обвинет за злоупотреба на системот АКМИС, а против него, како што соопшти вчера министерот за внатрешни работи Наќе Чулев, била распишана потерница.

Судот во Велес во петокот му одреди притвор на поранешниот претседател на Кривичен суд Скопје, заради неприсуство на рочиштето за предметот АКМИС.

На рочиштето не бил прусутен ниту неговиот бранител.

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе