Кривичен суд

Одложено судењето за ТНТ, спречени и обвинителот и дел од обвинетите

Расправата закажана за денеска за случајот ТНТ се одложува за 22 декември. Обвинителот и дел од обвинетите се спречени да присуствуваат, информираат од Кривичниот суд Скопје.

Според обвинението поднесено од поранешното Специјално јавно обвинителство, осомничените лица во 2011 година од политичка причини, го рушеле комплексот „Космос", сопственост на бизнисменот Фијат Цановски. За делото се обвинети повеќе лица, меѓу кои и поранешниот министер за транспорт и врски Миле Јанакиески и тогашниот градоначалник на Општина Гази Баба, Тони Трајковски, додека во отсуство му се суди на поранешниот премиер Никола Груевски.