Одложен изборот на директор на Академијата за судии и јавни обвинители

Управниот одбор на Академијата за судии и јавни обвинители (АСЈО) ја тргна од дневен ред точката за избор на директор, затоа што денеска по пошта пристигнала уште една пријава од уште еден кандидат. Оттаму информираат дека е потребно време и потреба, пријавата да биде разгледана од страна на Комисијата за избор.

Изборот на директор, како што информираат од АСЈО, ќе биде дополнително закажан.

Пристигнатата пријава по пошта е од судијата Ангел Димовски.

Со тоа во трка за директор на Академијата се четворица кандидати. Покрај Ангелов и доскорешниот директор Наташа Габер-Дамјановска, пријави поднеле и судиите Емилија Шопар-Јованова и Ненад Савески.