Од понеделник официјално ќе се знае дали и кој ќе одговара

Обвинителската одлука за кривична одговорност за пожарот со 14 жртви во тетовската модуларна болница е напишана

Основното јавно обвинителство Тетово ја напиша одлуката за тоа дали и кој има кривична одговорност за пожарот во модуларната болница во кој изгореа 14 лица. Од oбвинителството за МКД.мк одговорија дека одлуката од досегашната истрага за овој сложен предмет е готова во делот за кривична одговорност и останува само да се наведат доказите. Овој случај го работат четворица обвинители, а вештачење правеа и германски експерти. Сите докази ги проучуваа и разгледуваа четворицата обвинители кои деновиве, според најавите на Обвинителството треба да завршат и да пресечат што понатаму со овој случај. 

За конкретни имиња на можни обвинети лица од тетовското Обвинителство нема никакви информации, бидејќи како што велат, најверојатно веќе од понеделник и официјално ќе се знае одлуката на обвинителите. 

Вештачењето на МВР ОКТИВ утрди дека пожарот во тетовската модуларна болница настанал како последица од електрична куса врска преку висок преоден отпор во приклучниот кабел на дефибрилатор со кој се вршела реанимација на пациент во една од болничките соби. Прегревањето на кабелот предизвикало палење во приклучната кутија од продолжителниот кабел на кој бил приклучен дефибрилаторот, полнач за мобилен телефон и уште еден апарат.

Откако беше добиено вештачењето од МВР, се чакаше и германското вештачење. Откако стигна, се чекаше да се преведе.

Поранешниот премиер Зоран Заев лани, на почетокот на октомври побара од МВР да го објави извештајот кој што го испратиле до oбвинителството, а кој се однесува и е дел од истрагата за пожарот во Тетово во кој загинаа 14 лица.

Заев рече дека јавноста очекува одговори, а порача дека МВР треба да го објави извештајот, а обвинителството да продолжи со истрагата.

Вештачењето тогаш утврди дека пожарот во тетовската модуларна болница настанал како последица од електрична куса врска преку висок преоден отпор во приклучниот кабел на дефибрилатор со кој се вршела реанимација на пациент во една од болничките соби.

Прегревањето на кабелот предизвикало палење во приклучната кутија од продолжителниот кабел на кој бил приклучен дефибрилаторот, полнач за мобилен телефон и уште еден апарат, соопштија ден по барањето на Заев од Јавното обвинителство.

Пожарот во тетовската модуларна болница се случи лани, на 8 септември неколку минути после 21 часот.

Во трагедијата, животот го загубија 12 пациенти и две лица кои во моментот биле во објектот.

Се очекува да биде соопштена јавно-обвинителската одлука за оваа трагедија. 

 К.Д.

Минатата недела во јавноста се актуелизираше дискусијата за концептот на даночната реформа.

повеќе

Војната во Украина ја разоткри вистината за Русија, но и вистината за Европа. 

повеќе

Несанкционирањето на овој говор доведува до повторување, ширење и злоупотреба на овие аномалии како еден вид „нормализиран“ начин во политичката борба против поединци и групи со различни мислења.

повеќе