Поранешниот претседател на судот бара да му се укине притворот

Новинарите добија забрана за користење мобилни и излегување од судница на судењето за Панчевски

Поранешниот претседател на Кривичниот суд во Скопје, Владимир Панчевски на почетокот на денешното судење во Основниот суд во Велес побара да му се укине притворот оти до денес не добил решение по жалбата да биде разрешен од судската функција, пренесе ТВ Сител од Велес. Судијата кој го води предметот Валентина Ѓорѓиевска на почетокот на судењето на бројните новинарски екипи им забрани да ги користат телефоните за информирање на јавноста и побара да ги приложат на видно место на обвинителната маса.

Дополнително забрани телевизиските новинари во текот на судењето да излезат од судницата и известуваат во живо и објасни дека ако тоа го сторат немаат право да се вратат во судницата.

Судечкиот совет, со кој претседава судијката Ѓеоргиева даде пауза со цел да се провери дали му е одземен имунитетот на судијата Панчевски.

Панчевски треба да одговара за злоупотреби на Акмис системот.

На последното рочиште на 10 јули откако Панчевски не се појави на судењето, судијата му одреди притвор и беше распишана потерница по него.

После пет дена, на 15 јули, Панчевски сам се пријавил во Истражниот затвор „Скопје" во Шуто Оризари.

Западен Балкан оди во насока на целосна контрола на државните институции во служба на политичките елити. Не е чудо што граѓаните имаат ниска доверба во овие институции.

повеќе

Граѓаните се преморени од бескрајните, приказни на предавници и патриоти, тирански платформи, договори со Грција, Бугарија, рекети, пописи, тендери,

повеќе

Критичкото малцинство, на 2020 година не гледа само како на година која ја донесе вирусната пандемија, туку и како на година која донесе и еден друг вид на пандемија, онаа на КОВИД-авторитаризмот.

повеќе