Се шири истрагата

Нов случај за Боки 13, 260 илјади евра за станови за сиромашни млади лица

Бојан Јовановски и неговата невладина организација Меѓунарооден сојуз во шемата за изнудување пари од бизнисмени планирал да гради пензионерски домови. Од истрагата за случајот „Рекет“ излегуваат и други податоци - Боки 13 имал уште една невладина организација, Интернационална асоцијација за заштита на човековите права, преку која планирал да гради станови за сиромашни млади лица. И во двете варијанти први на листата биле градежниците.

Скопска градежна фирма поднела кривична пријава против деловната партнерка на Бојан Јовановски за измама, објави вечерва екипата на емисијата Код на ТВ Телма. И оваа фирма била измамена според истата веќе позната шема од договорите со ГП „Пелистер“ од Битола и „Дрим билдинг“ од Струга.

Интересно е тоа што оваа невладина организација, Интернационалната асоцијација за човекови права, била основана пред Меѓународниот сојуз. И тука Бојан Јовановски имал деловна партнерка (засега не се откриваат имињата на партнерката и на градежната фирма) која заедно со него ги убедувале бизнисмените за нивниот проект, за нивните познанства со власта и можност за добивање грантови од европски фондови.

На оваа шема, паднале менаџерите на една скопска градежна фирма која во периодот од јуни до декември 2017 година уплатиле речиси 260 илјади евра на лична сметка на партнерката на Боки 13. На 10 јануари 2018 година тие успеале да си ги вратат парите заради неисполнување на обврските од договорот. А вака големите уплати на сметка на приватно лице го привлекло вниманието на истражните органи.

Според договорот било предвидено изградба на станови, на спортски објекти, едукација за здрав живот и медиумска програма за општествена одговорност. Парите биле уплатени во неколку транши, 13.500.000, 1.977.600 денари и 618.000 денари.

И овој случај е дел од истрагата на Обвинителството за гонење на организиран криминал и корупција.

Адвокатот на Бојан Јовановски, Сашо Дуковски, во изјава за Код рече: „Се плашам дека сѐ ќе падне на грбот на Јовановски“.

А.Д.

Сѐ додека Македонија ја претставуваат „политички најподобните" ќе тонеме длабоко и уште повеќе ќе се раслојуваме.

повеќе

По определувањето на мерката ефективен притвор, притворениот раководен функционер не може да издава полноважни правни акти, меѓу другото, и поради фактот што го нема службениот печат.

повеќе

Вината за недобивањето на датум за преговори треба да ја барате во вас и вашите соработници и коалициски партнери.

повеќе