Со наредба на Русковска

МВР ги снимало Јовановски и Кичеец во Скопје и Охрид

Снимки од тајното следење на Бојан Јовановски и Зоран Милевски беа презентирани денеска на судењето за „рекет“. Овие снимки се обезбедени од лица од МВР со наредба на обвинителката Вилма Русковска, направени се за период од еден месец, односно од крајот јуни и почеток на јули минатата година и се направени на две локации, односно Скопје и Охрид.

Снимките траат од неколку секунди до неколку минути и на нив се гледа движење на Кичеец и Боки 13 низ локалите во Скопје, а потоа и во Охрид. Обвинителката Русковска појаснуваше дека Кичеец се возел со „порше“, „лендровер“ и „мерцедес“, главно бил совозач, а автомобилите ги возело Н.Н. лице. Како што појасни Русковска, има снимки на кои лицата кои биле таргет се забележани во ресторанот „Воденица“, во хотелот „Мериот“, во „Александар Палас“, кафе барот „Интермецо“, на паркинг во болницата „Аџибадем Систина“.... Русковска ги опишуваше улиците, местата и времето кога се направени овие снимки, како и лицата кои ги придружувале Јовановски и Милевски. Користеше зборови како средноразвиен, неразвиен, развиен, висок 175 цм, облечен во некаква облека, опис на фризурата, боја на коса...

Следна локација после Скопје беше Охрид, каде Милевски се возел со „мерцедес“ и четирицикл. Движењето му е главно во ресторанот „Порта“и на пристаништето во Охрид. Јовановски, според обвинителката, се возел во „ренџровер“ и на една од снимките се гледа како пристигнува пред домот на поранешната обвинителка Катица Јанева.

Во период додека беа презентирани дел од снимките одбраната на Јовановски и Јанева бараа Русковска да ги појаснува видеата. По ова обвинителката почна да чита дел од извештаите кои ги добила од МВР, а се однесуваат на снимките. Одбраната реагираше дека обвинителката чита извештај за снимка направена преку ден, а на екранот во судница оди видео од ноќните часови.

Со реакција се јави и обвинетиот Јовановски кој рече дека многу е несериозно обвинител во ваков предмет да доаѓа на судење неподготвен.

Во продолжение на судењето ќе бидат презентирани останатите докази на обвинителството.

К.Д.

Овозможувањето континуитет на стопанството треба да биде на прво место во агендата на Владата, бидејќи закрепнувањето на економијата ќе дојде токму од приватниот сектор.

повеќе

Светот првично се соочи со кризата предизвикана од коронавирусот на некоординиран начин, при што огромен број држави едноставно ги игнорираа предупредувањата и настапуваа самостојно.

повеќе

Пандемијата на коронавирусот која го зафати целиот свет, не само што има огромно влијание врз јавното здравство, општеството и економијата како целина, туку предизвика пустош и во спортот.

повеќе