По барањето за притвор од СЈО

Мијалков: Мојот стил на живеење не е да бегам

Обвинетиот Сашо Мијалков кого денес судот го осуди на затворска казна од три години, а за кого СЈО побара притвор, денеска пред судот по изрекувањето на пресудата рече дека неговиот стил на живеење не му дозволува ниту пак е таков за тој да бега.

Наводите на обвинителката Фатиме Фетаи дека тој со своето однесување и одредени околности наговестувал дека ќе се даде во бегство, Мијалков целосно ги отфрли и ги нарече шпекулации односно тврдења без никакви аргументи.

„Обвинителката тврди дека во текот на постапките со моето однесување се појавиле околности кои наговестувале дека ќе бегам, ваквите тврдења се без аргументи и на ниво на шпекулации, бидејќи со ниту еден гест не сум покажал дека ќе се дадам во бегство.

Неколку пати сум кажал и пак ќе повторам дека со бегање не се решаваат проблемите. Мојот стил на живеење не е да бегам. По изречената пресуда ќе ви кажам дека ако Апелацискиот суд ја потврди казната јас ќе си ја издржам казната и тоа ќе го решиме со одење в затвор“, рече пред судот обвинетиот Мијалков.

Обвинитерката Фатиме Фетаи побара притвор за Мијалков по изречената затворска казна од судот и рече дека постоењето на околности за определување на ваква мерка биле констатирани и од првостепениот и од Апелацискиот суд. Таа го пофали Мијалков за коректното однесување во текот на постапката, но додаде дека против него се водат и други постапки, за него сега има и пресуда и овие околности, според Фетаи, ја наметнуваат потребата од определување на мерка притвор, бидејќи, како што рече, постоела опасноста од бегство.

Во моментов трае пауза на судењето и судечкиот совет се повлече за да донесе одлука за предложените мерки од страна на СЈО.

К.Д.

Формирањето на платформа за прекугранична соработка за борба против аерозагадувањето има потенцијал вистински да придонесе за намалување на загадувањето на воздухот во нашата земја.

повеќе

 Еврообврзница во услови на најголемата светска економска криза за репрограмирање на долгот и буџетска поддршка.

повеќе

Повикот на Заев за „Влада за национален спас“ само три дена откако неговиот кабинет ја доби собраниската доверба, покажува дека таа тешко би се качила над сегашните 62 пратеници.

повеќе