Лиле Стефанова: За сѐ прашајте ја Катица Јанева (ВИДЕО)

Специјалната јавна обвинителка Лиле Стефанова утрово се појави во Кривичниот суд каде денеска се одржува рочиштето за случајот „Титаник“, а обвинението го застапува токму таа.

На новинарско прашање, дали е правилна процедурата обвинител да контактира со осомничен, како што тоа го направи Катица Јанева со Орце Камчев и на тој начин да го убедува да стане сведок во други истраги, Стефанова одговори дека не е експерт за криминал. Воедно на прашањето дали ја изневериле јавноста, обвинителката одговори дека за се ќе мора да ја прашаме нејзината шефица во заминување Катица Јанева, пренесува ТВ 21.

Лиле Стефанова беше прва која даде исказ во Обвинителството за организиран криминал како сведок за случајот „Рекет“. 

Истрагата за „Рекет“ во Јавното обвинителство ја води шефицата на организиран криминал Вилма Рускоска.

Засега единствените осомничени за случајот „Рекет“ Бојан Јовановски и Зоран Милески остануваат во притвор, откако Кривичниот совет при Основниот кривичен суд им ја продолжи мерката за уште 30 дена.

Бојан Јовановски – Боки 13 и Зоран Милевски – Зоки Кичеец, обвинителството ги товари за кривично дело „примање награда за противзаконито влијание", а првоосомничениот Јовановски и за „перење пари и други приноси од казниво дело“.

И покрај сите обиди, темата „Закон за јазиците" не „лепи".

повеќе

Дали ние, луѓето, сакаме да продолжиме да живееме добро и безбедно на оваа планета?

повеќе

САД остануваат најмоќната држава во светот, но францускиот претседател Макрон прави сѐ да стане своевиден „пандан“ на претседателот на САД.

повеќе