Завршни зборови

Кривичното дело за обвинетите од 27 април остана исто, нема измени на обвинението

Нема суштински измени во обвинението за настаните од 27 април.

Единственото што е ново во обвинителниот акт на Обвинителството за гонење организиран криминал и корупција е што по имињата на амнестираните лица стојат зборовите „За кого постапката е запрена“.

Обвинителката Ивана Трајчева го прочита обвинението споменувајќи ги имињата и на амнестираните, како и на дејствата што ги презеле.

„На 27 април, 2017 од 14:30 до 22:30 за време на Конститутивната седница обвинетите Крсто Мукоски, Сашо Василевски, Јохан Тарчуловски, Љупчо Димовски (за кого постапката е запрена), Митко Чавков, Митко Пешов..., презеле дејства со намера да го загрозат уставниот поредок на Република Македонија и го загрозиле животот на пратениците и новинарите“, рече обвинителката Трајчевска. Кривичното дело за сите обвинети остана исто, терористичко загрозување на уставниот поредок, а за помагање во ова кривично дело е обвинет само Оливер Радулов.

Доказите за секој обвинет поединечно ги образложува обвинителката Вилма Рускоска. Судењето е во тек, а во судница се присутни 17 обвинети лица.

К.Д.

Оваа појава почнува да претставува сериозна закана за учениците, но и грижа за родителите и наставниците.

повеќе

Пробацијата претставува клучна новина во реформата на нашиот пенитенцијарен и казненоправен систем и приоритетна цел на владината политика.

повеќе

Анализа на проф. д-р Гордан Калајџиев на Решението У.бр.96/2016 од Уставниот суд.

повеќе