Основно јавно обвинителство Скопје

Обвинителен предлог за седуммина учесници од последниот протест за „Монструм“

Основното јавно обвинителство Скопје денеска до Основниот кривичен суд Скопје поднесе обвинителен предлог против седуммина учесници на протестите во врска со пресудата за предметот „Монструм". Обвинетите и други, засега непознати лица, се однесувале насилно, фрлале со камења, бекатон - плочки, метални прачки и други предмети кон полицијата, при што со тешки повреди се здобил новинар, а повредени беа 11 полицајци.

Како што соопшти Јавното обвинителство, за шестмина од нив претходно беше поведена постапка и беше им определена мерка притвор. Сите се обвинети за кривично дело „учество во толпа" што ќе изврши кривично дело согласно член 385 став 2 во врска со став 1 од Кривичниот законик. Заедно со обвинителниот предлог, скопското обвинителство предложило и да им биде продолжена притворската мерка со цел нивно обезбедување во текот на кривичната постапка.

„За истото кривично дело поднесен е обвинителен предлог и против уште едно лице, за кое Обвинителството на Судот денеска му предложи да определи мерка притвор, поради опасност од бегство и можност да го повтори делото", велат од обвинителството.

Основното јавно обвинителство Скопје ги гони седумтемина обвинети, бидејќи на 26 февруари, како учесници на јавниот собир на граѓани во Скопје – протест за пресудата во предметот „Монструм", биле дел од толпата која со заедничко дејствување сторила насилства кон полициски службеници и други присутни лица. Имено, обвинетите и други засега непознати лица започнале заеднички да дејствуваат кон полициските службеници, фрлајќи со камења, бекатон плочки, метални прачки и други предмети, во обид да го пробијат полицискиот кордон. Како резултат на ова, со тешки телесни повреди се здобил новинар присутен на местото на настанот, а повредени биле и 11 полициски службеници.

Програмата за вакцинација во Бугарија може исклучиво да се окарактеризира како фијаско. 

повеќе

Вакцинирањето преку ред, слабата стратегија и лошата комуникација со јавноста ги обележаа првите месеци на вакцинирање во Хрватска која во моментов е близу дното на ЕУ во однос на процентот на вакцинирана популација. 

повеќе