Во Кривичен суд

Југ до Кацарска: Јас сум за работа со животни, таму никој не ми наредува

На денешното рочиште за 27 април како сведок беше повикан и Благоја Василевски, брат на обвинетиот Александар Василевски-Нинџа и поранешен обезбедувач на експремиерот Никола Груевски. 

Во своето сведочење сведокот Василевски кратко пред судот појасни дека на 27 април бил работно ангажиран, односно бил на службен пат во Виена. Призна дека комуницирал телефонски со својот брат, обвинетиот Нинџа, но образложи дека се чуле телефонски за состојбата на нивната мајка. 

Прашања за братот на Нинџа имаше обвинетиот Игор Југ кој што го праша дали ќе се согласи дека Нинџа особено внимавал кога телефонски го бара и за што го известува. На ваквото прашање се изнасмеаја сите присутни во судница, а сведокот Василевски се сложи со Југ и му одговори потврдно. Југ постави уште едно кратко прашање, дали на 27 април од 16.30 до 17 часот овој сведок примил порака од неговиот брат. И на ова Василевски одговори потврдно и дополни дека вратил на пораката. 

По поставените прашања од Игор Југ, Кацарска му се обрати: „Господине Југ, би биле добар адвокат на некој од обвинетите”. Игор Југ со насмевка на ова одговори: „Госпоѓо судијке, не сум јас за да работам со луѓе, јас сум за со животните”. Инаку, овој обвинет претходно изјави дека работи како дресер на кучиња. 

„Таму никој не ми наредува, таму јас наредувам”, рече Југ. 

Ваквиот одговор на Југ ја насмеа Кацарска и сите останати во судница. 

К.Д.

 

Демонизирањето на Исламот и неговото постојано поврзување со тероризмот е загрижувачка појава во светот, а и на Балканот.

повеќе

Последните искричења во меѓународниот поредок ја прават нејасна агендата за евроатлантски интеграции на регионот која претставува неопходен услов за долгорочна стабилност на Западен Балкан.

повеќе

Очигледно во градењето на македонското општество заборавивме да ја промовираме правдата како негова примарна цел.

повеќе