Јанакиески од слобода дојде на „ТНТ“, не знаел ништо за барањето за притвор

Во придружба на адвокатот, обвинетиот Миле Јанакиески пристигна на судското рочиште за предметот ТНТ, објави Телма. Вчера беше укинат притворот на Јанакиески кој трае веќе цели 3 години, а тој е обвинет за повеќе дела. Денеска тој дојде без полициска придружба, но на прашањето што се случува во врска со неговиот притвор кратко одговори дека не знае.

„Не знам, се што знам е од медиумите“, рече Јанакиески.

Обвинителката Вилма Русковска најави дека ќе бара притвор поради можност за бегство на Јанакиески бидејќи има повеќе обвиненија и првостепена пресуда од 6 години и 3 месеци затвор за организација на собраниските насилства на 27ми април.

Обвинителството за гонење на организиран криминал и корупција не било информирано за укинатиот притвор.