Јанакиески: Не постои ниту еден акт потпишан од мене, а се однесува на рушењето на објектот „Космос“

Во денешните завршни зборови за случајот „ТНТ" пред судиите Огнен Ставрев и Осман Шабани, обвинетиот Миле Јанакиески рече дека не постои ниту еден акт што е потпишан од него како министер за транспорт и врски, а се однесува на рушењето на објектот „Космос". Тој посочи дека не ни можело да има таков акт бидејќи како министер немал таква надлежност. Документите што ги потпишал се во насока на овозможување да опстане одобрението за градба, рече Јанакиески.

Јанакиески вели дека не постои телефонски разговор или СМС-порака каде врши поттикнувачки дејствија кон сообвинетитот Тони Трајковски, а уште помалку кон инспекторката Елизабета Најдовска. Тој додаде дека не постои ни комуникација каде се бара незаконски да се сруши објектот „Космос" и посочи дека овие два столба, односно поттикнувањето и барањето начин незаконски да се сруши објектот се основните битија во актот. Исто така, нагласи и дека „Фијат Цановски сам истакнал дека бара политичко решение, со што признава дека објектот е нелегален".

„Се надевам дека преку моите завршни зборови и завршните зборови на мојата одбрана судот ќе донесе ослободителна или одбивателна пресуда. Ако добијам и шеста осудителна пресуда, дали нешто ќе се смени во општеството? Мојот одговор е дека ништо нема да се подобри, освен што Цановски ќе заработи од Буџетот на државата, давајќи поттик на други своето незаконско работење да го прикријат преку политички решенија користејќи ги правосудните органи,“ посочи Миле Јанакиески.

Тој го спомена и помилувањето од страна на поранешниот претседател на државата, Ѓорге Иванов, но и, како што рече, мислењето на сегашниот министер за правда, Никола Тупанчевски кој вели дека предметот е застарен.

Според Јанакиески, „ова е единствен предмет на СЈО каде не се штитат интересите на државата и Буџетот и оти предност се дава на приватниот интерес, односно на човек кој незаконски гради и проблемите ги решава преку политика".

Утре завршни зборови ќе има обвинетиот Тони Трајковски. Покрај Јанакиески и Трајковски, за делото се обвинети и поранешниот премиер Никола Груевски, на кого му се суди во отсуство, како и еден градежен инспектор и тројца вработени во општина Гази Баба.

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе