Иста пресуда и во повторениот судски процес

Избеганиот началник Грујевски доби една и пол година затвор за „Тврдина 2“

Една и пол година затвор во отсуство му изрече денес Основниот кривичен суд во Скопје на избеганиот поранешен началник во УБК, Горан Грујевски за случајот „Тврдина 2". Пресудата е изречена во повторена постапка, а е идентична како и првата пресуда која првостепениот суд му ја изрече,  а Апелацискиот суд во Скопје ја врати на повторно судење. 

Грујевски се бара по потерница. Во случајот „Тврдина 2", првообвинет е екс-началникот на Петтата управа, Горан Грујовски, а во првата постапка им се судење и на шестмина вработени во УБК за фалсификување службена исправа и за уништување службена документација поврзано со незаконското прислушување.

Документацијата е поврзана со двата система од нелегалното прислушување, кои соред СЈО, биле уништени во текот на 2014 година.

Предметот беше вратен само за поранешениот началник. 

Првото рочиште за предметот се одржа на 28 ноември 2016 година, а Кривичниот суд во ноември 2017 година ја објави пресудата, но во мај минатата година Апелацискиот суд Скопје ја укина пресудата и предметот го врати на повторно судење затоа што не биле исполнети законските услови за судење во отсуство на Горан Грујевски.

Денес суд ја изрече повторно истата пресуда. 

Historia magistra vitae est (Историјата е учителка на животот). Оваа латинска изрека ќе ги објаснува односите меѓу народите и нациите додека постои светот.

повеќе

Добро е, во прво време, г. премиер, да го поттикнете Вашиот министер за култура да најде погодна форма да се преобјави книгата „По повод најновиот напад на нашиот јазик“ од Конески, пишува професорот Атанас Вангелов во отворено писмо до премиерот Зоран Заев.

повеќе

Мислам дека Европа нема ни да дозволи полемика за македонскиот јазик затоа што тоа е строго научна работа. Освен нашите политичари-шупелки, никој друг не би посегнал по таа светост.

повеќе