Хелсиншки комитет потсетува

ХК: Недозволиво е постојаното одложување рочиштата за малата Тамара

Хелсиншкиот комитет реагира на повторното одложување на рочиштето во судскиот процес за малата Тамара, која почина пред шест години, а постапката против обвинетите трае две години и 11 месеци и предметот сè уште ја нема добиено својата завршница. „Правичното судење во разумен рок е еден од фундаменталните услови за задоволување на кривичната правда. Непочитувањето на овој институт ја намалува ефикасноста на постапката, придонесува кон правна несигурност и ја зголемува недовербата на граѓаните во правосудството“, нагласува Комитетот.

„Правната сигурност може да се обезбеди само со утврдување одговорност на сите чинители, со цел задоволување на кривичната правда", велат од Хелсиншкиот комитет во соопштението за јавноста.

Комитетот смета дека е недозволиво што во оваа постапка воопшто не е одржано рочиште веќе една година и три месеци.

Во соопштението, заради илустрација, се наведува хронологијата на настаните поврзани со овој случај и евидентната неефикасност на целата постапка:

Малата Тамара почина во февруари 2015 година поради тежок деформитет на рбетниот столб, додека институциите решаваа каде таа ќе се лекува. Тогаш Комитетот заедно со мајката на Тамара поднесоа кривична пријава против сите лица кои постапувале во случајот, за сторено кривично дело „Несовесно работење во службата".
Три години подоцна, дури во 2018 година, Основното јавно обвинителство Скопје поднесе Обвинителен предлог против 12 лица за несовесно работење во службата. Основното јавно обвинителство констатирало дека првостепената одлука на комисијата при Фондот за здравствено осигурување била донесена надвор од законскиот рок за итно постапување, како и дека основа за одлуката била изјавата на тогашниот минситер за здравство, Никола Тодоров, дека пациентите со деформитет на рбетот нема да одат во странство, поради можноста за извршување на ваквите операции на Клиниката за ортопедски болести во Скопје, иако во тој момент сè уште не постоеле услови за извршување на вакви операции во нашата држава. Одлуката беше донесена без присуство на доктор ортопед и трауматолог, како доктори во чија специјалност припаѓа заболувањето на малолетната Тамара Димовска, иако претседателот/заменик претседателот задолжително требало да избере состав на доктори-членови на комисијата во чија надлежност спаѓа нејзиното заболување. Второстепената комисија постапува на истиот начин и ја потврдува одлуката на Комисијата при ФЗО.

Првото рочиште по овој предмет беше закажано дури во јуни 2018 година, а за една од обвинетите постапката беше одвоена, поради здравствени проблеми. Во октомври 2019 година, јавната обвинителка која го застапуваше обвинението побара изземање, а потоа беше назначен нов јавен обвинител. Основното јавно обвинителство единствено ја информираше јавноста дека јавната обвинителка се иззема поради постоење на законски пречки за нејзино понатамошно постапување, поради нови околности кои настапиле, но не навлезе во подетално образложување.
Во октомври 2020 година и тогашниот судечки судија Марин Станевски побара изземање, па предметот се прераспредели кај нов судечки судија – Александра Ристеска. Последното рочиште за главна расправа во овој предмет беше одржано на 12.03.2020 година. Главната расправа на 16.10.2020 требаше да почне одново поради проток на 90 дена од последното одржано рочиште. И овој пат, рочиштето беше одложено.
Во меѓувреме, за обвинетата за која се водеше одвоена постапка беше донесена осудителна пресуда со условна казна затвор, но Апелациониот суд ја поништи оваа одлука и предметот го врати на повторно одлучување. Судечкиот судија Александра Ристеска ја спои постапката за обвинетата со постапката на останатите 11 обвинети. Рочиштето закажано на 15 јуни 2021 година повторно се одложи, а следното рочиште е закажно дури за 30 август.

„И, ако милееме ние за својата Татковина, ако во нас има барем капка македонска крв, ако во нас останала искра благороден патриотизам, овојпат треба да се впрегнеме, за да понесеме дел од тежината на едно дело и од жестокото величие на една епоха“.

повеќе

(Овој труд беше презентиран на конференцијата „Геноцидот и неговата превенција во дигиталното доба: предизвици на 21 век“, 19- 23 јули, Барселона, Шпанија.)

повеќе

Во законодавниот дом е блокирано донесувањето на дваесетина закони преку илјадници амандмани поднесени од страна на опозицијата.

повеќе