За случајот „Рекет”

Фросина Ременски и таткото на Боки 13, Миле Јовановски останаа без пасоши, еднаш неделно ќе се јавуваат во суд

Пратеничка Фросина Ременски и таткото на Боки 13, Миле Јовановски, и двајцата осомничени во случајот „Рекет” останаа без пасоши, имаат забрана да го напуштаат Скопје и обврска секоја недела да се јавуваат во суд. Ова се мерките на претпазливост кои беа одредени на предлог на Основното јавно обвинителство за гонење организиран криминал и корупција. 

„Ценејќи ги фактите и доказите во предлогот како и исказите на осомничените лица, судија на претходна постапка донесе решенија со кои го прифати предлогот и на осомничените Ф.Т.Р. и М.Ј. им определи мерки согласно член  146 ст.1 т.1,2 и 3 од ЗКП односно, забрана зе напуштање на живеалиште односно престојувалиште, обврска на обвинетиот да се јавува повремено на определено службено лице во судот и привремено одземање на патната и друга исправа за преминување на државната граница, додека за Х.Б. мерка за претпазливост согласно член 146 ст.1 т.3 – привремено одземање на патната и друга исправа за преминување на државната граница”, соопшти Основен кривичен суд Скопје.

Против овие решенија, како што велат од Судот, странките имаат право на жалба пред Кривичниот совет. 

Два месеци по недобивањето датум за преговори за членство на Македонија во ЕУ, малку знаеме која беше улогата на Бугарија во тоа.

повеќе

И покрај сите обиди, темата „Закон за јазиците" не „лепи".

повеќе

Дали ние, луѓето, сакаме да продолжиме да живееме добро и безбедно на оваа планета?

повеќе