Денеска треба да се избере директор на Академијата за судии и јавни обвинители

Емилија Шопар-Јованова, Ненад Савески и Наташа Габер-Демјановска се тројцата кандидати за директор на Академијата за судии и јавни обвинители. Деветчлениот управен одбор на Академијата денеска треба да одлучи кој ќе ја води Академијата во наредните четири години.

Наташа Габер-Дамјановска беше директорка на Академијата во последните четири години. Судијката Емилија Шопар-Јованова доаѓа од скопскиот граѓански суд, а Ненад Савевски е судија во Основниот кривичен суд во Скопје.

Откако Зоран Герасимовски се повлече од в.д. директорското место во Академијата, овие два дена в.д. директор е Бесир Алиу, член на управниот одбор на Академијата и јавен обвинител на Основното јавно обвинителство Тетово.

Герасимовски инаку е и член на Судскиот совет, но откако Државната комисија за спречување на корупцијата укажа дека директор не може да биде судија кому функцијата му е во мирување, Герасимовски се повлече.

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе