Завршни зборови на обвинетата Катица Јанева

Дали „Рекет“ е создаден за да се затвори „Империја“, праша одбраната на Јанева

Бранителот на Катица Јанева, адвокатот Дељо Кадиев, денешниот завршен збор во случајот „Рекет“ го започна со цитат на оштетениот сведок Орце Камчев кој рекол „предметот Империја е измислен предмет за јас да бидам рекетиран". „Аналогно на тоа не може да не се запрашаме дали е можна обратна ситуација. Случајот „Рекет" да е создаден за затворање на предметот „Империја". Дали нападот е најдобра одбрана во секоја кривична постапка“, праша Кадиев.

Кадиев, рече дека одбраната ја темелат на неколку столба и тоа: незаконитост на докази, односно дека судот не може да изнесе став врз основа на незаконито прибавени докази снимки кои недозволено ги направил Јордан Камчев, незаконито постапување на ЈО, односно дека Обвинителството не дало увид во сите докази и искази, влијание врз Судот од страна на ЈО, односно со именување на фајловите со доказите дадени на судот како „давање пари", „не разговарај со адвокати", „разговор со сведок" со што се извршило влијание и фактичка состојба на докази, односно дека изнесените докази и сослушани сведоци не го докажуваат делото на овој предмет, а ЈО пропушта да повика некои очигледни сведоци како Горан Николовски и да обезбеди клучни докази како несесерот на Ана Камчева што собра 350 илјади евра и вештачења.

Од изнесените материјални докази и од ПИ мерките, рече Кадиев, ништо не се потврди во поглед на обвинението на Катица Јанева.

Зголемувањето на парите за финансирање на партиите не помагаат во поттикнувањето на политичката активност на граѓаните, туку веројатно и делуваат контрапродуктивно, зголемувајќи ја недовербата во партиите и политичарите.

повеќе

За помалку од еден месец по олеснувањето на рестриктивните мерки, Косово се соочува со нагло зголемување на бројот на случаи со ковид-19, 

повеќе