Центрите за социјална помош, Шумската полиција, УЈП... беа злоупотребени од ВМРО-ДПМНЕ, сведочеше Заев во „Титаник“

Во својство на сведок во случајот „Титаник”, премиерот Зоран Заев денеска во Кривичниот суд Скопје, зборуваше за неговите сознанија за изборните нерегуларности во 2014 година коишто ги вршела тогашната партија на власт ВМРО-ДПМНЕ.

„Центрите за социјална помош беа злоупотребени, тие шетаа со списоци од примателите на социјална помош и им се закануваа дека доколку не гласаат за партијата на власт социјалната помош ќе им биде прекината. Шумската полиција правеше притисок на луѓето кои имаа договори за сеча дека доколку не гласат за ВМРО-ДПМНЕ, договорите за сеча ќе им бидат укинати“, изјави сведокот Заев.

Тој кажа и дека сите нивни реакции се достапни на интернет, како и дека УЈП, Пазарна инспекција, Финансиска полиција и други вршеле притисок врз правните субјекти за да докажат дека гласале за ВМРО-ДПМНЕ. Заев, исто така рече дека за сите овие забелешки на опозицијата го информирал тогашниот претседател на владата Никола Груевски, кој инаку е и обвинет „Титаник”, но тој ниту јавно не реагирал.

На прашање на бранител на одбраната дали ги пријавиле наведените случаи, Заев одговори дека околу 150 пријави во тоа време ги доставиле до надлежните институции (ДИК, обвинителства, министерства), но според него никој ниту постапил, ниту реагирал по однос на тие пријави.

Судењето за предметот „Титаник“ го води судијата Осман Шабани, а обвинението го застапува Лиле Стефанова.

 

Опседнатоста со лесна и брза заработувачка, завидливоста и љубомората кон побогатите, невидената мрзливост комбинирана со желбата за убав и прилично ситуиран живот, од Македонците создаде зомбизирани суштества кои лутаат низ времето и просторот, без патоказ и без изграден вредносен ориентир по кој ќе се водат низ животот.

повеќе

Иако новогодишните честитки во јануари оваа година, беа најчесто за здравје и со желба за „старото нормално“, првите три месеци од 2021 година не навестуваат крупни промени околу тоа кој ќе биде повторно најизговорениот збор и во периодот кој претстои. 

повеќе

Програмата за вакцинација во Бугарија може исклучиво да се окарактеризира како фијаско. 

повеќе