Нинџа сведочи

„Бришковска му нареди на Вељаноски да се отворат вратите на Собранието“

Првото сценарио на 27 април не било успешно, односно пратениците „не успеале“, бидејќи немало инцидент. Ова, според исказот на Александар Василевски-Нинџа, му го кажала Билјана Бришковска на тогашниот претседавач на Собранието, Трајко Вељаноски. Нинџа посочи дека ова го слушнал како телефонска комуникација, која на 27 април се одвивала на осмиот кат во штабот на ВМРО-ДПМНЕ.

„Бришковска му се јави на Трајко и му кажа да се отворат вратите на Собранието. Јас бев известен од директорот Владимир Атанасовски околу 19.15 часот да одам на терен и да го известувам за тоа што се случува. Атанасовски се симна со мене и рече дека е известена и службата за прикриени операции и дека имало контакт со ‘Тројка‘, мислејќи на Никола Митревски-Кољо. Ми рече дека кај Градска болница ќе ме чека и Никола Бошкоски и тргнавме пешки заедно со Веле Петрушевски“, раскажа Нинџа.

Билјана Бришковска

Пет минути по добиеното известување од Атанасовски, кај Градска болница во „опел вектра“ со ротација пристигнале Боксер и Бошкоски.

Нинџа рече дека состојбата ја надгледувал заедно со Веле Петрушевски од кај Градска болница кога на мобилен телефон добиле информација од Кољо дека луѓе во Собранието тепаат пратеници и дека внатре е хаос. За ова Бошкоски го известил Владимир Атанасовски и му кажал дека состојбата во Собранието е хаотична. Атанасовски, пак, му кажал на Бошкоски дека во тој момент на осми кат во штабот, од каде што според исказот на Нинџа, стасувале наредбите за дејствувањето во Собранието, бил и Борис Јосифовски, шефот на кабинетот на претседателот Ѓорге Иванов, и дека може да биде прогласена воена состојба.

К.Д.

 

На мојот пријател, овчарот Митко му реков: „Дојде време ти, јас, сите граѓани на Македонија да си го вратиме суверенитетот на оваа наша држава".

повеќе

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе