Поради суштествени повреди на постапката

Апелацискиот суд ја укина пресудата за Мијалков и Тачи во „Титаник 2“

Апелациониот суд Скопје ги укина пресудите за предметот „Титаник 2“ против Сашо Мијалков, Мендух Тачи, Бедредин Ибраими и тројца поранешни членови на Државната изборна комисија од ВМРО-ДПМНЕ, дознава неофицијално САКАМДАКАЖАМ.МК. Според нивните информации, пресудите биле укинати и предметот е вратен на повторно судење по насоки на Апелациониот суд поради суштествени повреди на постапката од страна на Основниот кривичен суд. 

Овој судски процес го водеше судијата Огнен Ставрев, а во судечкиот совет беше и судијата Осман Шабани.

Апелациониот суд не ја потврдува информацијата и оттаму велат само дека одлуката е донесена, но не е напишана, а е предвидено да се објави пред Нова година.

На 8 март, Кривичниот суд неправосилно го осуди поранешниот директор на УБК Сашо Мијалков на три години затвор, а лидерот на ДПА Мендух Тачи на 3 години и 2 месеца во предметот. Бедредин Ибраими доби казна затвор од 4 години и 6 месеци, Влатко Сајковски 3 години, Сашо Срцев доби 3 години и Елизабета Стефановска, исто така, 3 години затвор.

Тачи, Ибраими, Сајковски, Срцев и Стефановска се осудени за злоупотреба на службената положба и овластувањата, а Тачи дополнително и за поттикнување.

Мијалков е осуден за примање награда за противзаконито влијание, кривично дело што им се става на товар на луѓе на моќни функции, во случајов како тогашен директор на УБК, кои замолуваат или наредуваат на други функционери и лица за да сторат кривично дело.

Според обвинението на СЈО, односно пресудата што ја изрече судијата Огнен Ставрев, Мијалков нарачал преку лидерот на ДПА Мендух Тачи, да му наложи на сопартиецот од ДИК Бедредин Ибраими да гласа за поништување на регуларно гласање во избирачко место во Струмица, во корист на Васил Пишев од ВМРО-ДПМНЕ на штета на тогашниот кандидат за градоначалник Зоран Заев.

Германската канцеларка Ангела Меркел, меѓу другите, беше гневна; Балканот помодре од бес. ЕУ сега се обидува да го натера Макрон да го тргне ветото пред Европскиот самит во март.

повеќе

Мојата заложба е конечно законите и прописите наместо инструмент за спроведување лични интереси, да ја добијат вистинската функција, заштита на интересите на граѓаните. За жал...

повеќе