Со Изјава до Основниот суд Скопје 1

Апасиев бара 30.000 евра отштета за прислушувањето во „Таргет-Тврдина“

Лидерот на Левица, Димитар Апасиев поднесе Изјава до Основниот суд Скопје 1 во која бара отштета од 30.000 евра за незаконското следење, односно прислушкување на неговите телефонски разговори. Ова барење се однесува за прислушувањето во случајот „Таргет-Тврдина“ кој го отвори СЈО.

„Ја известуваме јавноста дека претседателот на Левица, Димитар Апасиев, вчера, на ден 11.01.2021, на покана на Основниот кривичен суд Скопје а, во својство на оштетен, достави писмена Изјава во врска со незаконското следење на неговите лични комуникации во случајот „Таргет-Тврдина".", соопштија од Левица.