Вчера во Скопје

Акција на полицијата и Обвинителство, приведен разузнавач на АНБ во обид да рекетира бизнисмен

Две лица биле приведени во синоќешната акција на полицијата како дел од истрагата што ја спроведува Обвинителството за организиран криминал. Еден од приведените бил и вработен во Агенцијата за национална безбедност каде директор е Виктор Димовски. МВР ја потврди акцијата и за денеска најави детални официјални информации. Неофицијално лицата биле приведени за уцена.

Огромен скандал е што истражители на Агенцијата за национална безбедност (АНБ) вршеле рекет на бизнисмени, реагираат од ВМРО-ДПМНЕ. „Прашањето е што барале вработени во АНБ да соработуваат за рекет со криминалното подземје? Заевизмот и луѓето од власта партискиот рекет кој го видовме со Катица Јанева го претворија и во државен рекет овој пат со Агенцијата за национална безбедност. Зошто АНБ наместо да се грижи за националната безбедност се грижи и врши рекет на бизнисмени? Кои луѓе од власта на Заев се вмешани во овој скандал? И зошто нема одговорност за челните луѓе од АНБ?“, велат од ВМРО-ДПМНЕ.

Неофицијално, покрај вработениот во АНБ, приведен бил и еден од амнестираните за настаните од 27 април 2017 година во Собранието. Тој беше обвинет за терористичко загрозување на уставниот поредок и безбедноста, но потоа беше амнестиран бидејќи беше во групата обвинети кои директно не учествувале во насилствата.

А.Д.

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе

(Насловот е на турски со причина, во превод, „писмо или револвер“.)

повеќе