Завршни зборови

Адвокатот на Груевски во „Талир 2“ бара слобода за поранешниот премиер поради недоволно докази

Обвинителството во случајот „Талир 2“ во тек на судењето за овој предмет не презентираше никакви докази против првообвинетиот Никола Груевски, смета адвокатот Горан Каркински, кој беше назначен по службена должност да го брани првоообвинетиот Груевски.

Во своите завршни зборови во Основниот кривичен суд Скопје, тој денеска изјави дека Обвинителството не презентирало ниту еден доказ, или сведок, за тоа за што го обвинува Никола Груевски кој е во бегство. 

„Обвинителот во своите завршни зборови изврши измена на обвинението на кое не ни беше дадена можност за приложување на нови докази заради побивање на нивните тези што секако е повреда на постапката, наведе Каркински.

Воедно, тој додаде дека „обвинителот иако бегло при крајот на завршните зборови наведе дека обвинетите направиле корист за политичката партија" и за нив, како што рече, „истиот не посочи ништо повеќе од тоа, најмалку доказ".

„Со тоа ја поткрепи тезата дека обвинението целосно е паушално и нереално“, истакна Каркински.

Имајќи ја предвид оваа состојба адвокатот му предложи на Судот да донесе одбивателна пресуда.

Правните застапници на политичката партија ВМРО-ДПМНЕ, на денешното рочиште не дадоа завршни зборови со образложение дека направен е пропуст од страна на Судот, со тоа што не биле испрашани за време на доказната постапка.

Судењето за овој предмет го води судијката Даниела Алексовска Стојановска, а застапник на обвинението е јавниот обвинител Љубомир Лапе.

Во случајот „Талир 2“ обвинети се Никола Груевски и Кирил Божиновски, кои, според обвинението поднесено од поранешното СЈО, со злоупотреба на службената положба, овозможиле правното лице Бетон Скопје да го изгради седиштето на политичката партија ВМРО-ДПМНЕ.

Им благодарам на Русите како креатори, но посебно на бугарските послушни  извршители за пропагандата што ја водат против Македонија. Што направија?

повеќе

Деновиве адвокатот Тортевски во дебатна емисија рече дека немаме критична маса за држава. Не знам дали е така, но изгледа немаме критична маса за сериозни дебати и дијалози во општеството. 

повеќе

Светска банка проценува дека за секој долар инвестиран во здравството, државата има бенефит од 4 долари во смисла на зголемена економска продуктивност.

повеќе