ССНМ: Останува одлуката за штрајк на новинарите во МПМ

Одлуката за штрајк во организација на ССНМ во редакциите на Медиа принт Македонија останува и покрај делумно исполнетото барање за исплата на декемвриската плата, соопштија од Самостојниот синдикат на новинари и медиумски работници. Од таму велат дека дека доколку не дојде до преговори и исполнување на барањата штрајкот започнува како што е планирано на 17 февруари.

„Со оглед на тоа што не се исплатени хонорарите, содржани во првото барање и во очекување на исполнувањето на другите два услова - исплата на јануарската плата и хонорари до 15 февруари, како и информација за плановите на менаџментот во следните 6 месеци, штрајкувачките одбори на Утрински, Дневник и Вест остануваат на одлуката за штрајк. Доколку не дојде до преговори и исполнување на барањата штрајкот започнува како што е планирано на 17 февруари“, се наведува во соопштението на ССНМ.

Денеска дел од новинарите на Медиа принт Македонија, повторно за време на паузата излегоа на мирен протест пред просториите на МПМ, вчера компанијата им ја исплати декемвриската плата, но медиумските работници стојат и натаму на нивните барања.

Дел од нив се исплата на јанурската плата до 15-ти месецов, исплата на заостанатите хонорари, како и увид на финансиската состојба на МПМ за 6 до 12 месеци. Од менаџментот засега има молк за состојбите во МПМ.

Без оглед дали сте поддржувач или противник на претходната власт, не можете да оспорите дека таа постави сосема нови стандарди во поглед на мерките, напорите и вложувањата за да се привлечат странски инвестиции, за наши услови. 

повеќе

Ако лидерите на двете најмоќни земји во светот – САД и Кина имаат суштински разлики во начинот на кој тие гледаат на меѓународните односи, какви се изгледите за глобално зајакнување на соработката?

повеќе

Најновите случувања на релација политичка власт-граѓански сектор, повторно го отвораат прашањето за односите помеѓу овие два сегмента на општествениот живот.

повеќе