ОД КАСАРНАТА ВО ЃОРЧЕ ПЕТРОВ

Спасовски: Владата ќе побара меѓународна истрага за случајот „Диво Насеље“

Министерот за внатрешни работи Оливер Спасовски денес на доделувањето на донацијата во касарната Ѓорче Петров соопшти дека за случајот „Диво Насеље“ Владата ќе преземе обврска да спроведе дополнителна меѓународна истрага. Спасовски посочи дека јавноста со тоа ќе ја дознае вистината за терористичките напади кои се случија на 9-ти и 10-ти мај, 2015 и во кои загинаа осум полицајци. 

Во судскиот процес за терористичките напади во Куманово, обвинетите речиси на секое рочиште бараат во судница да се појават, како што ги нарекуваат, организаторите на целиот настан, споменувајќи ги имињата на Сашо Мијалков, Гордана Јанкуловска, Али Ахмети, Никола Груевски и Артан Груби. 

Обвинетите вакво барање упатија и до судот, но предлогот овие лица да се сослушаат како сведоци, беше одбиено. Обвинетите и нивните адвокати бараат, како што велат, да се открие цела вистина за овој случај, а тоа може да се случи само доколку лицата од раководни полициски и политички функции се појават во судница и се соочат со обвинетите.
Во овој судски процес на 37 обвинети им се суди за тероризам и терористичка организација. Во настаните во кумановската Дива Населба загинаа осуммина припадници на МВР, а околу 40-тина беа повредени.  

Новинарите на хрватски ТРИС се приклучија во патувачкиот новинарски карван до земјата без име.

повеќе

Лидерството на опозициската ВМРО-ДПМНЕ мора да излезе јавно, на прес конференција, заедно со сите пратеници, и да објават прекин на секакво понатамошно учество во дискусија на собраниската седница.

повеќе

Според Агенцијата за вработување, најмногу невработени има меѓу дипломираните правници, економисти, професори по одделенска настава на македонски и албански јазик и социјални работници. 

повеќе