Во Стокхолм

Спасовски на самит за изнаоѓање на решенија за искоренување на насилството

Министерот за внатрешни работи Оливер Спасовски на покана на Владата на Кралството Шведска денес и утре, 14 и 15 февруари, учествува на глобален самит насловен како „Агенда 2030 за децата: самит за изнаоѓање на решенија за искоренување на насилството" што во организација на Владата на Кралството Шведска и меѓународната организација „Глобално пријателство" се одржува во Стокхолм.

На Самитот, велат од МВР,  присуствуваат високи претставници од речиси сите земји членки на Обединетите нации, како и претставници на УНИЦЕФ,  Светската здравствена организација и повеќе реномирани меѓународни невладини и други организации, а е поделен во повеќе работни сесии, на кои што низ повеќе аспекти се дебатира и се носат одлуки за изработка на концизна стратегија за конечно искоренување на насилството врз децата. 

„Македонија како потписник на Конвенцијата за правата на детето и повеќедецениски партнер на УНИЦЕФ, во рамки на правниот систем имплементираше низа законски и подзаконски акти во насока на заштита на децата и унапредување на нивните права, вклучително и преку Законот за правда на децата.  Имајќи го сето тоа во предвид Македонија ќе продолжи и понатаму да им обезбедува на децата заштита и грижа кои се неопходни за нивната благосостојба“, истакнуваат од МВР.

Владите постојано ги повторуваат истите грешки. Тие го сметаат долгот како предност за долгорочен раст, наместо она што тој всушност е: тежок товар и извор на масивни долгорочни ризици.

повеќе

Гостиварскиот градоначалник од сограѓаните побара да бидат потолерантни кон однесувањето на печалбарите.

повеќе

Дента кога македонската делегација беше на пат за Нивици, Заев со себе требаше да понесе еден венец.

повеќе