Соопштенија

Република Македонија се соочува со пандемија од огромни размери предизвикана од коронавирусот и со длабока економска криза која може да трае подолго доколку навремено не се преземат мерки за нејзино стабилизирање.  Зоран Заев лицитира со економските штети од пандемијата обидувајќи се да го покрие претходниот грабеж на народните пари. Сумите варираат од 1,2 ,  , па дури и 3 милијарди евра. Тоа е доказ  за расипништвото и неработењето на Владата во изминатите 3 години, се вели во соопштението на ВМРО-ДПМНЕ.

29 Март 2020 - 09:47

Сите се борат против коронаворусот само Мицкоски шири лаги од белиот дворец, тој е прочитана книга на неспособност и невистини. Во време на глобална криза, додека сите институции се борат да го заштитат здравјето на граѓаните, Христијан Мицкоски, синхронизиран со неговиот шеф Груевски, се обидува да шири неоснована паника, политички да профитираат врз грбот на граѓаните, се вели во реакцијата на СДСМ на денешната конференција за медиумите на Христијан Мицкоски, претседателот на ВМРО-ДПМНЕ.

28 Март 2020 - 15:12

Во отсуство на сѐ уште дефинирани мерки за економска помош, ги повикуваме министрите во Владата на Македонија редовно да си ги плаќаат обврските и долговите кон фирмите. На тој начин ќе овозможат базичниот принцип на економијата да не застане, соопшти ВМРО-Народна партија.

28 Март 2020 - 10:49

Лаги, манипулации, неосновани обвинувања и ширење страв и паника се единствените политики на Христијан Мицкоски и ВМРО-ДПМНЕ. Во овој тежок период за сите граѓани, ВМРО-ДПМНЕ единствено што знае да прави е да смислува деструктивни сценарија против доктори, против министри и други кои директно се вложуваат во решавање на кризата и прават се за да го заштитат здравјето на граѓаните, се вели во реакцијата на СДСМ на соопштението на ВМРО-ДПМНЕ.

28 Март 2020 - 09:43

Наместо за животите на граѓаните и санирање на економските последици од оваа страшна несреќа која го погоди светот, власта се занимава со личен профит, тендери и непродуктивни трошоци на грбот на граѓаните. Тестот за коронавирусот кој чини неверојатни 5 илјади денари е само последниот пример за  срамното профитерство на власта, се вели во соопштението на ВМРО-ДПМНЕ.

28 Март 2020 - 09:17

ВМРО-ДПМНЕ бара да се заштити медицинскиот персонал, бидејќи, како што велат, поради несоодветна грижа во државата 12 проценти од заразените се лекари.

27 Март 2020 - 10:16

Тргнувајќи од нашата стратешка определба за полна евро-атлантска интеграција на Македонија, со радост и воодушевување ја примивме веста за одлуката на ЕУ да почне пристапни преговори со нашата земја. Им честитаме на сите Македонци, без разлика на кој етнички, верски, политички или друг идентитет го носат во себе, се вели во соопштението на Македонски концепт.

26 Март 2020 - 14:57

Одделот за правда на Алијансата за Албанците изразува загриженост за состојбата во затворите во Македонија и поради вонредната состојба предизвикана од коронавирусот предлага времено пуштање на затворениците.

26 Март 2020 - 14:39

Зелената партија ДОМ апелира инспекторатите за животна средина да спроведат вонредни инспекциски надзори на индустриските капацитети во Скопје.

26 Март 2020 - 10:12

Стратешките и одговорни политики  што ги спроведе СДСМ во изминатите 2,5 години дадоа конкретни резултати.  Република  Северна Македонија почнува преговори со Европската унија и стана 30. членка на НАТО. Историската грешка е исправена, почнуваме преговори, Европската комисија треба да ги спроведе подготовките, а првата меѓувладина конференција ќе се одржи најбрзо што може, се вели во денешбото соопштение на СДСМ.

26 Март 2020 - 09:11

Додека граѓаните и стопанството во Република Македонија се справуваат со корона вирусот, Владата енормно троши народни пари. За само четири дена платени се 8 милиони денари од власта за репрезентации, услуги во ресторани и патувања. За само 4 дена од 17 до 20 март, во екот на заразата кога стотици граѓани биле заразени и побарале здравствена заштита, кога нема доволно ресурси во здравствениот систем, биле потрошени 3 милиони 78 илјади и 300 денари на име на репрезентации од страна на функционерите на власта, се вели во денешното соопштение на ВМРО-ДПМНЕ.

26 Март 2020 - 08:49

Од македонската Влада бараме итно да воведе времена максимална вонредна состојба на целата територија и тоа со забрана за 24 часовно движење надвор од домот, освен неопходното, во период од 15 дена, бара ТМРО.

25 Март 2020 - 17:58

Фронтот за демократска Македонија-ФРОДЕМ преку соопштение го критикува лидерот на СДСМ, Зоран Заев за предлогот за економските мерки за надминување на економската криза предизвикана од коронавирусот и го обвинува дека повторно бара солидарно сите граѓани да го понесат товарот на кризата.

25 Март 2020 - 15:44

 ВМРО-ДПМНЕ ја поздравува позитивната одлука на Советот на министри за надворешни работи  на Европската Унија, а воедно го очекуваме и датумот за првата меѓувладина конференција со земјите членки на ЕУ.

24 Март 2020 - 16:34

„Вардар Експрес“ реагира на веста која вчера беше испратена од роднини на вработени лица во нивната агенција дека во време на коронавирус и при транспорт на лица во карантин возачите работат без опрема и не се изолирани. Претходно нашата редакција врз основа на емајл, како и телефонски разговор со роднини на вработени во „Вардар Експрес“ објави изјави од истите.

24 Март 2020 - 11:19

Кога кризата со коронавирусот ќе заврши, светот повеќе нема да биде ист, концептот на неолиберализмот ќе биде редизајниран.

повеќе

Благодарејќи на коронавирусот, граѓаните го видоа вистинското лице на  оваа натприродна организација, наречена државна администрација. Алчна, себична, несолидарна, нечувствителна.

повеќе

Солидарноста е единствениот начин за надминување на оваа криза.

повеќе