Реакција

ВМРО-НП обвинува: Димитров е главен виновник за бугарското вето

Никола Димитров е перјаница во измислувањето на нови проблеми и покрај тоа што новиот бугарски премиер Кирил Петков дојде во Македонија со многу позитивна енергија и со видно изменета реторика и барања, со волја да го затвори ветото и да се продолжи напред, пишува ВМРО-Народна партија во соопштението испратено по синоќешните изјави на Димитров.

„Македонската длабока држава очигледно нема намера да се има позитивно решение со Бугарија и почна со натпревар во измислување на нови проблеми“, се наведува во соопштението.

Од партијата велат дека по посетата на добра волја на поранешниот премиер и претседател на ВМРО-НП, Љубчо Георгиевски во Софија, пред да го стават ветото, од неколку бугарски функционери му било споменато дека главен виновник за ветото е токму Никола Димитров и прашањето за појаснувањето на краткото име во Обединетите нации.

Бугарската страна, како што се додава, една година го чекала Димитров да испрати нота во ОН за која дури не инсистирале јавно да биде објавена, а во која ќе се каже дека зборот Северна Македонија не се однесува на спорниот бугарски дел, односно Пиринска Македонија.

„Арогантното однесување на Димитров ги убедило дека токму тоа е намерата со именувањето на Северна Македонија да се направи. Во тоа време сето ова не беше споделено со македонската јавност исклучиво поради почит кон семејството Димитрови меѓутоа вчера видовме и слушнавме како господинот Никола Димитров тоа го претставува како свој најголем успех. Дали човекот има разбрано дека ако ја испратеше таа нота во ОН на време немаше воопшто да има вето кон Македонија?!“, стои во партиското соопштение.

Оттаму заклучуваат дека „веќе станува јасно зошто Македонија загуби две години поради кратковидоста на политичар полн со фрустрации од фамилијарниот бугарски комплекс“ и му порачуваат на Димитров да ги прочита колумните и книгите на неговиот татко, Димитар Димитров.

 

Економската криза е лоша во сите сфери на живеењето, но од неа можеме и да научиме по нешто.

повеќе

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе